منگلورو:18؍جنوری (ایس اؤ نیوز)سوشیل میڈیا کےذریعے حاصل شناسائی سے دوستی بڑھاتے ہوئے گھر کو بلا بھیج کر بلیک میل کرکے رقم اینٹھنے والے ہنی ٹراپ گروہ کا سورتکل پولس نے پردہ فاش کیاہے۔ معاملے کو لے کر دو مرد اور دوعورتوں کی گرفتاری عمل میں آئی ہے۔

ہنی ٹراپ جال کے ملزمان کی شناخت ریشما عرف نیما(32)، اقبال محمد عرف اقبال (35)، زین عرف زینت مبین (28)، ناصف عرف عبدالقادر ناصف (34)کے طورپر کی گئی ہے۔ مزید چار پانچ ملزمان جال میں ملوث ہونےکا شبہ ہے ،معاملے کی تفتیش جاری رہنے کی منگلورو پولس کمشنر این ششی کمار نے پریس کانفرنس میں جانکاری دی۔

کیرلا سے تعلق رکھنے والی گرفتار شدہ ملزموں میں سے ریشما اور زینت سوشیل میڈیا سے دوستی بڑھایا کرتی تھیں پھر ان سے قربت حاصل کرنے کے بعد اکیلے پن کا اعتما د دلا کر انہیں گھر بلایا جاتاتھا۔ جو بھی گھر آتا انہیں اقبال اور عبدالقادر ناصف کی مدد سے دھمکا کرحملہ کرنے کے بعد بلیک میل کیا جاتااور رقم اینٹھنےکی جانکاری پولس کمشنر نے دی۔

پولس کمشنر نے بتایا کہ ہنی ٹراپ جال میں پھنسے ایک متاثر نے انہیں تفصیلی جانکاری ، جس کے مطابق متعلقہ جال سے مزید  چارپانچ افراد دھوکہ کھانے کی بات  پتہ چلی ہے۔ اپنی  عزت  کی خاطر کسی نےبھی شکایت نہیں کی تھی ، ملزمین اسی سے فائدہ اٹھاکر اور کئی لوگوں کو اپنے جال میں پھنسانے کی کوشش کرتے ہیں۔ اسی لئے جو بھی ہنی ٹراپ جال سے دھوکہ کھایا ہے وہ بغیر کسی خوف کے پولس کو جانکاری دیں ، جن کی تفصیل خفیہ رکھتے ہوئے ملزمان کوگرفتارکرکے معصوم افراد کو بچائے جانےکی پولس کمشنر نےاپیل کی۔

گرفتار شدہ ملزمان سے چار موبائیل فون ، اے ٹی ایم کارڈ سمیت پانچ کریڈیٹ کارڈ اور ایک سواری کو ضبط کرلیا گیا ہے۔ ملزم زینت اس کا شوہر اقبال کان کٹلہ علاقے کے فلورینٹائن اپارٹمنٹ میں مقیم ہیں۔ ملزم ناصف سورنجے کا ہے  فی الحال چوکبیٹو علاقےمیں کرایہ کے گھر میں رہنےکی ششی کمار نے جانکاری دی۔ پریس کانفرنس میں ڈی سی پی ہری رام شنکر، ڈپوٹی پولس کمشنر ونئے گاؤنکر موجود تھے۔