منگلورو10/جون (ایس او نیوز) منگلورو انٹرنیشنل ایئر پورٹ پر سونا اسمگل کرنے کی کوشش کو ناکام بناتے ہوئے کسٹمز افسران نے دبئی سے آنے والے دو  مسافروں کے پاس سے764.30 گرام  24 کیراٹ سونا برآمد کرلیا اور سونا ضبط کرتے ہوئے ایک  مسافر کو گرفتار کرلیا۔ ضبط کئے گئے سونے کی مالیت  25.37 لاکھ روپئے بتائی گئی ہے۔

جس ایک  مسافر کے پاس سے  647 گرام سونا برآمد کیا تھا اُس مسافر کو گرفتار کرکے پرنسپل سنئیرسیول جج کے روبرو پیش کیا گیا، ضبط کئے گئے سونے  کی مالیت 21.48 لاکھ روپیہ لگائی گئی ہے۔ بتا یا گیا ہے کہ  کسٹم حکام نے مصدقہ اطلاع پر کاروائی کرتے ہوئے ائیر انڈیا ایکسپریس فلائٹ  IX814  کے ذریعے دبئی سے مینگلور پہنچنے والے ایک مسافر کو روکا اور اُس کی تلاشی لی،  تو اس کے پاس غیر قانونی طور پر چھپاکر رکھا گیا 647گرام وزنی 24کیرٹ سونا 'پاوڈر'   کی شکل میں  بر آمد ہوا جسے مسافر نے اپنے اندرون میں پہنے  کپڑے میں چھپا رکھا تھا۔مسافر کو گرفتار کرنے کے بعد پرنسپال سینئر سول جج کے روبرو پیش کیا گیا۔ کسٹم حکام کے مطا بق چونکہ گولڈ کی مالیت  20 لاکھ سے زائد تھی، اس لئے  عدالت میں پیش کیا گیا تھا جہاں اُسے ضمانت پر رہا کیا گیا۔

سنیچر کوسونا اسمگلنگ کرنے کی دوسری کوشش اُس وقت ناکام بنادی گئی جب  کسٹم حکام نے  117.30 گرام 24 کیراٹ سونا  ایک اور مسافر کے پاس سے برآمد کیا جس کی مالیت 3.89 لاکھ روپیہ لگائی گئی ہے۔ کسٹم حکام کے مطابق  مسافر نے  سونے کو اپنی ٹرولی  سوٹ کیس میں  فوئل اسٹریپ  کی شکل میں ایک میٹل کی مدد سے  چپکادیا تھا اور کسٹم حکام کی انکھوں میں دھول جھونک کر  باہر جانے کی فراغ میں تھا۔