کیامنگلورو ائیر پورٹ پر بم رکھنے والے آدتیہ راؤ کو بچانے کی کوشش ہورہی ہے؟ گرفتاری کے بعد وزیر داخلہ بسواراج بومئی نے مشتبہ دہشت گرد کو ذہنی معذور قرار دیا 

Source: S.O. News Service | Published on 23rd January 2020, 8:28 PM | ریاستی خبریں |

بنگلورو، 23/ جنوری (ایس او نیوز) منگلورو انٹر نیشنل ائیر پورٹ پر بم رکھ کر فرار ہونے والے ملزمین آدتیہ راؤ کی خود سپردگی کے ساتھ ہی جہاں اس ائیر پورٹ پر مشتبہ بم رکھے جانے کے معاملے کو سلجھا لیا گیا۔ لیکن انتہائی سیکورٹی کے زمرے میں پہنچ کر بم رکھنے والے اس مشتبہ دہشت گرد کے ساتھ دہشت گردوں جیسا سلوک کرنے کی بجائے ایسا لگتا ہے کہ ریاست کی بی جے پی حکومت اس کو بچانے کے لئے حرکت میں آچکی ہے۔

اس ملزم کی گرفتاری کے بعد ریاستی وزیر داخلہ بسواراج بومئی کا بیان حکومت کی ان مبینہ کوششوں کی طرف واضح اشارہ کرتا ہے۔ جیسے ہی دیر رات آدتیہ راؤ کی خود سپردگی کی خبر پھیلی ائیر پورٹ کے احاطہ میں بم رکھے جانے کے واقعہ کو لے کر میڈیا کے مختلف حلقوں میں جس طرح کی کہانیاں کل تک گڑھی جارہی تھیں وہ ختم ہوگئیں اور دوسری طرف اس ملزم کو ایک بے روز گار اور مظلوم بنا کر پیش کرنے کا سلسلہ شروع ہوگیا۔ جیسے ہی اس نے خود سپردگی کی اس کو شہر کی السورگیٹ پولیس نے تحویل میں لیا اور سخت سیکورٹی کے درمیان شہر کی عدالت میں پیش کیا گیا۔ جیسے ہی آدتیہ راؤ نے صبح 8بجے کے قریب  ڈی جی پی کے گھر پہنچ کر خودسپردگی کی اس موقع پر اس نے اعتراف کر لیا کہ منگلورو ائیر پورٹ پر اسی نے بم رکھا تھا۔ اس نے یہ بھی بتایا کہ بم کے پر زے اس نے منگلورو کے ایک نجی ہوٹل میں قیام کے دوران جوڑے۔ ایک سیول انجینئر اور ایم بی اے تعلیم یافتہ آدتیہ راؤ کچھ عرصہ قبل بنگلورو ائیر پورٹ میں بم رکھنے کی جھوٹی اطلاع دینے کے الزام میں ایک سال تک جیل جا چکا ہے۔ اس کے گرفتار ہونے کے بعد اس کی سختی سے پوچھ گچھ یقینی بنانے کے لئے پولیس حکام کو سخت ہدایت دینے کی بجائے وزیر داخلہ بسواراج بومئی نے ایسا بیان دیا ہے گویا کہ حکومت اسے بچانے کے لئے کام کررہی ہے۔

بومئی نے کہا کہ انہیں یہ پتہ چلا ہے کہ آدتیہ راؤ ایک ذہنی معذور ہے اور مایوسی کے عالم میں اس نے یہ حرکت کی ہے۔ انہوں نے اپنے طور پر یہاں تک صفائی پیش کرنے کی کوشش کی ہے کہ نوکری نہ ملنے سے پریشان ہو کر اس نے ایسی حرکت کی ہے۔ بومئی کا یہ متنازع بیان اپوزیشن پارٹی کے مختلف قائدین کی طرف سے شدید نکتہ چینی کا نشانہ بنا۔

 کے پی سی سی صدر دینش گنڈو راؤ نے بومئی کے بیان پر سخت ردعمل ظاہر کرتے ہوئے کہا کہ اگر بم رکھنے والا آدتیہ راؤ کی بجائے کوئی مسلمان ہوتا تو بی جے پی اور اس کی گود میں کھیلنے والا میڈیا اب تک اس کے پورے خاندان کو دہشت گرد ثابت کرچکے ہوتے اور اس کے تاروں کو آن کی آن میں پاکستان اور دنیا کے مختلف ممالک سے جوڑ دیا جاتا۔ جبکہ آدتیہ راؤ نے گرفتار ہونے کے بعد یہ اعتراف کر لیا ہے کہ ایئر پورٹ پر بم اسی نے رکھا۔ اس کے باوجود ملزم کے تئیں وزیر داخلہ کا جذبہ ہمدردی افسوسانک ہے۔ 

سابق وزیر اعلیٰ سدارامیا نے ملزم کو بچانے کے لئے حکومت کی کوشش کو مذموم قرار دیتے ہوئے کہا کہ اس معاملہ میں حکومت کو گندی سیاست نہیں کرنی چاہئے۔ 

سابق وزیر اعلیٰ کمار سوامی نے بھی بومئی کے اس بیان کو غیر ذمہ دارانہ قرار دے کر اس کی مذمت کی ہے اور کہا ہے کہ جس طرح دہشت گردی کے معاملات میں دیگر ملزمین کی جانچ کی جاتی ہے اس ملزم کی بھی اسی طرز پر جانچ ہونی چاہئے۔ انہوں نے کہا کہ جیسے ہی ملزم نے اپنا نام آدتیہ راؤ بتایا بی جے پی کی بولتی بند ہوگئی۔ بم رکھنے کے الزام میں اگر کسی مسلمان کو پکڑ لیا جاتا تو بی جے پی اسے بہت بڑی خبر بنادیتی جبکہ صبح سے یہ کوشش ہورہی ہے کہ کسی نہ کسی طریقہ سے اس خبر سے عوام کی توجہ کو موڑا جائے۔ 

ایک نظر اس پر بھی

بنگلورو کےپروگرام میں ’پاکستان زندہ باد‘ کا نعرہ ؛ امولیا کو سی اے اے مخالف احتجاجیوں نے کردیا باہر ؛ کیا تھا امولیا کا منشاء ؟

شہریت قانون کی مخالفت میں ٹیپو سلطان فرنٹ کے زیراہتمام بنگلور کے فریڈم پارک میں منعقدہ احتجاجی جلسہ میں اچانک  امولیا نامی خاتون مقرر نے پاکستان زندہ باد کے نعرے لگانے شروع کردیے  جس پر منتظمین اور اسٹیج پر تشریف فرما حیدر آباد کے رکن پارلیمان اسد الدین اویسی  حیرت میں پڑ ...

منگلورو: شہریت ترمیمی قانون مخالف احتجاج کے دوران ہوئے لاٹھی چارج اور فائرنگ معاملے میں ایف آئی آر درج ہونا چاہیے؛ ہائی کورٹ کا تیکھاتبصرہ

منگلورو میں شہریت ترمیمی قانون کے خلاف19دسمبر2019 کو ہوئے پرتشدد احتجاج کے دوران پولیس کی طرف سے کیے گئے لاٹھی چارج اور فائرنگ کے سلسلے میں کرناٹکا ہائی کورٹ کی ڈیویزن بنیچ کے رکن جسٹس جان مائیکل نے تبصرہ کرتے ہوئے کہا کہ پولیس کوا س معاملے میں ایف آئی درج کرنا چاہیے۔

بنگلور وسٹی پولیس وائٹ فیلڈ کو محفوظ بنانے کیلئے سی سی ٹی وی کی نگرانی

اگر آپ وائٹ فیلڈکے علاقہ میں رہتے ہیں تو جلد ہی آپ بنگلور سٹی پولیس کی نگرانی میں ہوں گے، دراصل ٹیکنالوجی کے مرکز اور علاقہ کو جرائم سے محفوظ بنانے، شرارتوں کو ختم کرنے، عوامی اعلانات کو ممکن بنانے اور مجرموں کو پکڑنے کی کارروائی کو آسان بنانے کے لئے پولیس نے اب خانگی اداروں کا ...

بنگلورو سلک بورڈ جنکشن راہگیروں کے لئے خطرناک

الیکٹرانک سٹی اور شرجاپور میں واقع اپنے دفاتر کو جانے کے لئے بسوں کو پکڑنے کے لئے فٹ پاتھوں پر پیدل چلنے اور سلک بورڈ جنکشن کا استعمال کرنے والے ٹیکیوں کا کہنا ہے کہ، یہاں کی سڑکوں پر سے پیدل چل کر جانا ایک خطر ناک معاملہ ہوتا ہے۔

این آرسی بد عنوانیوں میں اضافہ کا سبب بنے گا

شہر بنگلور میں مزدوروں تنظیموں کے رضاکاروں نے تنبیہ کی ہے کہ مرکزی حکومت کی طرف سے قومی رجسٹر برائے شہریت کے نفاذ کی کوئی بھی کوشش بد عنوانیوں کو ہوا دے سکتی ہے اور ملک بھر میں رشوت ستانی کا ماحول پیدا ہو جائے گا جبکہ غیرب لوگوں کو اپنے دستاویزات بنانے یا انہیں درست کرانے کے لئے ...

بی بی ایم پی صفائی کرمچاریوں کیلئے رہائشی اسکیم بی ڈی اے سے تعمیر شدہ فلیٹ کے حق پترا تقسیم

بروہت بنگلور مہانگر پالیکے (بی بی ایم پی) کے صفائی کرمچاریوں کو رہائش کی سہولت فراہم کرنے بنگلور ڈیولپمنٹ اتھارٹی (جی ڈی اے) کی طرف سے فلیٹ تعمیر کئے جارہے ہیں، ان میں سے چند فلیٹ کے حق پترا آج منتخب صفائی کرمچاریوں میں تقسیم کئے گئے۔