اُڈپی 30/ اگست (ایس او نیوز) سنتے کٹّے پیٹرول بنک کے پاس دن دہاڑے پیش آئے خوفناک واقعہ میں ایک  شخص نے بیچ سڑک پر خاتون کے پیٹ میں چھرا گھونپ کر اسے زخمی کرنے کے بعد خود اپنا گلا کاٹ لیا ۔ دونوں کو سنگین حالت میں منی پال کے ایک نجی ہاسپٹل میں داخل کیا گیا ہے ۔

    بتایا جاتا ہے کہ امباگل کی رہنے والی ایک خاتون اپنی اسکوٹر  پرکہیں جارہی تھی ۔ اسی گاوں کا ایک دوسرا شخص بھی ساتھ ساتھ دوسرے اسکوٹر پر جارہا تھا ۔ پھر اس نے سنتے کٹے کے پاس اس خاتون کا راستہ روکا اور اس کے پیٹ میں چھرا گھونپ دیا اور اسی وقت اس نے اپنا بھی گلا  کاٹ کر خود کشی کرنے کی کوشش کی۔    سمجھا جاتا ہے کہ یہ جان لیوا حملہ اس شخص کے یکطرفہ عشق کا معاملہ ہے ۔