منگلورو: طالبہ کے اغوا اورعصمت  معاملہ میں ملزم کو ملی 7 سال قید بامشقت کی سزا

Source: S.O. News Service | Published on 30th November 2021, 8:03 PM | ساحلی خبریں |

منگلورو،30؍ نومبر (ایس او نیوز) سیشنس اور فاسٹ ٹریک کورٹ 1 کے جج نے پی یو سی کی طالبہ کے اغوا اور عصمت دری میں ملزم کو 7 سال قید بامشقت کی سزا سنائی ۔
    
بتایا جاتا ہے کہ یہ واردات اگست 2014 میں پیش آئی تھی ۔  ڈیرلکٹے کے عرفان (28 سال) کی دوستی متاثرہ لڑکی سے ہوئی تھی ۔ اور اس نے عشق ہوجانے کی بات کہتے ہوئے لڑکی سے شادی کے لئے اصرار کرنا شروع کیا تھا ۔ واردات کے دن جب لڑکی امتحان دینے جارہی تھی تو عرفان نے ناٹیکل نامی مقام پر اس کا راستہ روکا اور ایک کار میں اغوا کرکے چکمگلورو کے لاڈج میں لے گیا جہاں اس نے لڑکی کی عصمت دری کردی ۔ مبینہ طور پر اس نے لڑکی کو دھمکی بھی دی کہ اگر اس واردات کی تفصیلات کسی کو بتائی گئی تو وہ اسے جان سے مار ڈالے گا ۔
    
دوسری طرف لڑکی غائب ہونے پر اس کے والدین نے الال پولیس اسٹیشن میں شکایت درج کروائی جس پر کارروائی کرتے ہوئے پولیس نے اسے ڈھونڈ نکالا ۔ اُس وقت الال کے  پولیس انسپکٹر ساوترا تیجا نے تفتیش کے بعد عدالت میں چارج شیٹ داخل کی تھی ۔  
    
فاسٹ ٹریک عدالت کی جج ساوتری بھٹ نے سماعت کے بعد ملزم عرفان پر جرم ثابت ہونے کی بات کہتے ہوئے 7 سال قید اور5000 روپے جرمانہ، اغوا کے لئے 5 مہینے کی قید اور ایک ہزار روپے جرمانہ، راستہ روکنے کے لئے ایک سال کی قید اورایک ہزار روپے جرمانہ اور جان سے مارنے کی دھمکی دینے کے لئے 2 ہزار روپے جرمانہ  کی سزا سنائی ۔ اس کے علاوہ عصمت دری کے لئے پوکسو قانون کے تحت  7 سال قید اور 15 ہزار روپے جرمانہ کی سزا سنائی ۔ جرمانہ کی رقم ادا نہ کرنے پر مجرم کو اضافی مدت کے لئے جیل میں رہنا ہوگا ۔
    
اس معاملہ اہم پہلو ہے کہ متاثرہ لڑکی کے گھر والے عدالت میں سماعت کے دوران اپنے پچھلے بیانات  سے مُکر گئے تھے اور ملزم کی حمایت میں بیانات درج کروائے تھے ۔ مگر عدالت نے واقعاتی اور دستاویزی ثبوتوں کے علاوہ 15 افراد کی گواہی اور تحقیقاتی افسر کی شہادت پر انحصار کرتے ہوئے ملزم کے خلاف فیصلہ کیا اوراسے مجرم مانتے ہوئے سزا سنائی ۔

ایک نظر اس پر بھی

منگلور کے قریب بنٹوال میں کنواں چوری ہونے کا عجیب معاملہ - پی ڈی او نے درج  کروائی شکایت 

گمشدگی اور چوری کا ایک غیر معمولی معاملہ جس میں بنٹوال تعلقہ کے ناریکومبو گرام پنچایت میں ایک کنواں اپنی جگہ سے غائب ہوجانے کی رپورٹ پنچایت ڈیولپمنٹ آفیسر نے پولیس کے پاس درج کروائی ہے ۔

بنٹوال : سرکاری اسکول میں گنپتی پوجا - بی ای او کی طرف سے تحقیقات - اسکول ڈیولپمنٹ کمیٹی صدر مستعفی ۔ گاوں والے ناراض 

بنٹوال تعلقہ کے پڈی باگیلو نامی گاوں میں سرکاری اسکول دوبارہ کھلنے پر   'گنپتی ہاونا' انجام دی گئی جس پر بلاک ایجوکیشن آفیسر نے اسکول ڈیولپمنٹ کمیٹی صدر سے پوچھ تاچھ کی اور ڈی ڈی پی آئی کو رپورٹ بھیج دی ۔ اس کے جواب میں ایس ڈی سی صدر بال کرشنا کارنتھ نے اپنا استعفیٰ دے دیا جس کے ...

منگلورو : حجاب پر نیا ہنگامہ - منگلورو یونیورسٹی کالج میں حجاب مخالف اے بی وی پی کا احتجاجی دھرنا

شہر کے ہمپن کٹا میں واقع منگلورو یونیورسٹی کالج میں مسلم طالبات حجاب کے ساتھ  کالج میں حاضر ہونے پر اے بی وی پی سے تعلق رکھنے والے حجاب مخالف طلبہ نے احتجاجی مظاہرا کیا اور حجاب پہننے پر پابندی لگانے کا مطالبہ کرتے ہوئے کالج احاطہ میں دھرنا دیا۔

کنداپور : معاشی بحران کی وجہ سے چینمئی ہاسپٹل کے مالک نے کی خودکشی - ڈیتھ نوٹ میں بتایا 2 افراد کو ذمہ دار

مشہور تاجر اور چینمئی ہاسپٹل کے علاوہ کئی بنگلورو، اڈپی اور شمالی کینرا وغیرہ میں ہوٹلس اور دوسرے تجارتی مراکز کے مالک کٹّے گوپال کرشنا راو عرف کٹّے بھوجنّا (79 سال) نے اپنے ہی ریوالور سے گولی چلا کر جو خودکشی کی ہے اس سلسلے میں یہ بات سامنے آئی ہے کہ انہوں نے معاشی بحران کی وجہ ...

وزیر دفاع راج ناتھ سنگھ کا دو روزہ کاروار دورہ : ملکی سطح پر تیار کردہ آب دوز میں سمندری سفر ؛ساحلی پٹی کو مضبوط ومستحکم کیاجائے گا

ملک کی ساحل پٹی پر امن و شانتی اور خیر سگالی کو مزید استحکام دینے میں بھارتی بحریہ کو مضبوط کیا جا رہاہے۔ یہ کسی بھی ملک کے خلاف نہیں ہے۔ کاروار کے دو روزہ دورے پر تشریف لائے وزیر دفاع راج ناتھ سنگھ نے ان خیالات کا اظہار کیا۔

سرسی : حجاب، حلال کی مخالفت کیوں ؟ اذان دی جائے تو کیا برائی ہے؟ : حزب مخالف لیڈر سدرامیا کا سوال

حجاب ، حلال بہت پہلے سے چلا آر ہاہے، اب کیوں ہنگامہ مچانے لگے ہیں؟ مسجد میں اذان دی جاتی ہے تو اس میں کیا برائی ہے؟ ہرایک کو اپنے مذہب کے مطابق عمل کرنے کی دستور نے انہیں حق دیا ہے، مذہبی معاملات کو سیاسی مقاصد کے لئے استعمال نہیں کرنا چاہئے۔ کانگریس لیڈر، حزب مخالف لیڈر سدرامیا ...