مینگلور کے قریب مُلکی میں شوہر نے تین بچوں سمیت بیوی کو کنویں میں پھینک دیا، پھر خود لگائی کنویں میں چھلانگ؛ تینوں بچے جاں بحق

Source: S.O. News Service | By I.G. Bhatkali | Published on 24th June 2022, 6:53 PM | ساحلی خبریں | ان خبروں کو پڑھنا مت بھولئے |

مینگلور 24 جون (ایس او نیوز)       مالی حالات سے پریشان ایک شخص نے اپنے تین بچوں سمیت بیوی کو  کنویں میں پھینکنے کے بعد خود بھی  کنویں میں چھلانگ لگاتے ہوئے خودکشی کرنے کی کوشش کی،  واقعے میں تینوں بچوں کی موت واقع ہوگئی،  مگر  مقامی لوگ   اس شخص کو اور اس کی بیوی کو بچانے میں  کامیاب ہوگئے۔ واردات مینگلور سے قریب 25 کلو میٹر دور مُلکی میں جمعرات کی   شام کو پیش آئی۔

مرنے والے بچوں کی شناخت  رشمیتا (14)،  اُودے ( 12) اور  دکشا (4) کی حیثیت سے کی گئی ہے۔ جبکہ  ان بچوں کے والد  کی شناخت  پدمانور کے رہنے والے  ہیتیش شیٹیگار  (42) اور  ماں کی شناخت لکشمی  کی حیثیت سے کی گئی ہے۔ ہتیش   سڑک کنارے ناریل بیچنے کا کام کرتا ہے ، جبکہ  لکشمی بیڑی  کا کام کرتی ہے۔

ذرائع نے بتایا کہ جمعرات کو لکشمی  اپنے تینوں بچوں کو اسکول روانہ کرکے اپنے کام پر روانہ ہوئی تھی، شام کو جب واپس آئی تو گھر پر بچے موجود نہ ہونے پر شوہر سے دریافت کیا،  جس پر شوہر نے بتایا کہ   بچے باہر کہیں کھیل رہے ہوں گے، مگر جب باہر بھی  بچوں کو جا کر تلاش کرنے پر کوئی نظر نہیں آیا تو کنویں  کے قریب سے گذرنے کے دوران اچانک کنویں کے اندر سے بچوں کی چینخیں سنائی دی، جس پر  لکشمی   چینخ و پکار کرتے ہوئے بچوں کی مدد کرنے کے لئے آگے بڑھی ، جس کے دوران   پیچھے سے  ہتیش نے بیوی کو ہی  دھکا دے کر اُسے کنویں میں گرادیا، پھر خود ہی کنویں میں چھلانگ لگادی۔  

قریب میں موجود پھول بیچنے والوں نے   جب   یہ واقعہ دیکھا تو فوری پولس کو خبر کی  اور  بعض لوگوں نے فوراً رسی کی مدد سے   ہتیش اور اس کی بیوی لکشمی کو  باہر نکالنے میں کامیاب ہوگئے۔ بعد میں فائر بریگیڈ کی مدد سے تینوں بچوں کو باہر نکالا گیا اور قریبی اسپتال لے جایا گیا، مگر  اسپتال پہنچنے کے بعد تینوں بچوں کی موت واقع ہوگئی۔

مُلکی پولس تھانہ میں معاملہ درج کیا گیا ہے، بتایا گیا ہے کہ کچھ دنوں سے  گھر کی مالی حالت کمزور ہونے کی وجہ سے  ہتیش  کی دماغی حالت ٹھیک نہیں تھی، لوگوں کا کہنا ہے کہ اسی کی وجہ سے  اس نے اس طرح کی حرکت کی ہوگی۔ پولس معاملے کی جانچ کررہی ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...