بھٹکل 14 جنوری (ایس او نیوز) تعلقہ کے سیاحتی مقام مرڈیشور سمندر میں غرق ہوکر ایک سیاح کی موت واقع ہوگئی جس کی شناخت موتّھو نینگپا سونار (32) کی حیثیت سے کی گئی ہے۔
مرڈیشور پولس نے بتایا کہ پڑوسی ضلع ہاویری کے آکّی آلور سے نو لوگوں پر مشتمل ایک گروپ آج جمعہ مرڈیشور کی سیاحت کے لئے پہنچا تھا، دوپہر قریب تین بجے یہ لوگ تیرنے کے لئے سمندر میں اُترے تھے جس کے دوران مُوتھّو سمندر میں کافی آگے نکل گیا اور تیز اُٹھتی موجوں کی زد میں آکر غرق ہوگیا۔
کچھ دیر بعد ہی نعش سمندر سے برآمد کر لی گئی اور پوسٹ مارٹم کے لئے مرڈیشور اسپتال منتقل کی گئی۔
مرڈیشور پولس تھانہ میں معاملہ درج کیا گیا ہے۔