بھٹکل 13 جنوری (ایس او نیوز)  بھٹکل سرپن کٹہ سے آگے  گولی بیلّور نامی مقام پر ایک  عمر  رسیدہ شخص نے  پھانسی لگاکر خودکشی کرلی جس کی شناخت  بومیّا  نارائن نائک (62) کی حیثیت سے کی گئی ہے۔

پتہ چلا ہے کہ جمعرات دوپہر قریب بارہ بجے  اس کی نعش یلوڈی کاوور گرام پنچایت حدود کے گولی بیلّور میں واقع کاجو باغ میں  ایک درخت سے لٹکتی ہوئی پائی گئی۔ پتہ چلا ہے کہ بومیا محنت مزدوری  کرتا تھا، اس کے چار فرزند ہیں اور چاروں ملازمت کرکے گھر کا خیال رکھتے ہیں، ایسے میں بومیّا  کی  خودکشی کی وجہ معلوم نہیں ہوسکی ہے۔

بھٹکل مضافاتی پولس تھانہ میں کیس درج کیا گیا ہے اور پولس جانچ کررہی ہے۔