کنداپورمیں نابالغ دلت لڑکی کی عصمت دری۔ پوکسو ایکٹ کے تحت ملزم گرفتار

Source: S.O. News Service | By I.G. Bhatkali | Published on 19th November 2019, 6:16 PM | ساحلی خبریں |

کنداپور19/نومبر (ایس او نیوز) ایک دلت نابالغ لڑکی کو بہلا پھسلاکر سنسان مقام پر لے جانے اور اس کی عصمت دری کرنے کے الزام میں کوٹا پولیس نے اشوک پجاری (۳۳سال) نامی ایک شخص کوپوکسو ایکٹ کے تحت گرفتار کرلیا ہے۔

 اشوک پجاری کے بارے میں معلوم ہوا ہے کہ اس نے ایک دوسری ذات کی لڑکی کے ساتھ شادی رچائی تھی۔ مگر اپنی بیوی کے کردار پر شک کرتے ہوئے اسے یونہی چھوڑکر کسی دوسری خاتون سے تعلقات بنانے کے بعد اس کے ساتھ ایک اپارٹمنٹ میں رہنے لگا تھا۔

 بتایاجاتا ہے کہ17نومبر کو دسویں جماعت میں پڑھنے والی ایک دلت لڑکی کو اشوک نے اپنے جال میں پھنسایااوراپنی آئی20 کار میں بٹھا کر ساستھان سے دو کلومیٹر دوری پر ایک ویران علاقے میں واقع گھر میں لے گیا اور وہاں پر دیگر دو افراد کی موجودگی میں اس نے لڑکی کی آبروریزی کی۔ معلوم ہوا ہے کہ اشوک پجاری ایک جرائم پیشہ شخص ہے اس کے خلاف کئی معاملے درج ہیں جس میں غیرقانونی طور پر ریت سپلائی کرنا، پولیس ہیڈکانسٹیبل پر حملہ اور غیر قانونی طورپر درختوں کوکاٹ کر فروخت کرنا وغیرہ شامل ہے۔

 لڑکی کی شکایت پر پولیس نے اشوک پجاری کے خلاف پوکسو ایکٹ کے علاوہ دلت پر ظلم والے قانون کی دفعات کے تحت کیس درج کرکے اسے گرفتار کرلیاہے۔اڈپی کی عدالت میں پیش کرنے پر اسے عدالتی حراست میں بھیج دیا گیا۔

ایک نظر اس پر بھی

دبئی سے 178 مسافر صحیح سلامت پہنچے بھٹکل؛ ہوٹل اور اسکول میں کیا گیا کورنٹائن

کورونا لاک ڈاون میں پھنسے دبئی کے 178 لوگ آج بدھ صبح صحیح سلامت بھٹکل پہنچ گئے جن میں 103 مرد حضرات کو  جامعہ آباد روڈ پر واقع علی پبلک اسکول میں کورنٹائن کیا گیا ہے تو وہیں 75 لوگوں کو جن میں زیادہ تر فیملیس اور بچے ہیں، پرائیویٹ ہوٹل میں کورنٹائن کیا گیا ہے۔

اُترکنڑا میں آج پھر کورونا کے 20 کیسس؛ بھٹکل کے ایک شخص کی مینگلور میں موت سمیت 13 پوزیٹیو

اُترکنڑا میں کورونا کے معاملات رُکنے کا نام نہیں لے رہے ہیں اور ہرروز  کورونا سے متاثرہ لوگ یہاں سامنے آرہے ہیں، حیرت کی بات یہ ہے کہ ضلع کے بھٹکل میں بھی کورونا پوزیٹیو معاملات  تھمنے کا نام نہیں لے رہے ہیں، ایک طرف ضلع میں 20 کورونا پوزیٹیو کے معاملات سامنے آئے ہیں تو اس میں ...

اُلال کے رکن اسمبلی یوٹی قادر سے ایس ڈی پی آئی کا مطالبہ

جنوبی کینرا بنٹوال تعلقہ کے سجی پانڈو دیہات میں ہر سال بارش کے موسم میں گزشتہ 30 برسوں سے لوگوں کو ہمیشہ  پریشانی کا سامنا کرنا پڑتا ہے۔ یہ علاقہ اُلال کے رکن اسمبلی یوٹی قادر کے حلقہ میں آتا ہے اور یہاں مسلمانوں کی کثیر آباد ی ہے۔

منگلورو۔کاسرگوڈ سرحد پر مسافروں کیلئے پریشانی

ریاست میں گزشتہ ماہ اپریل سے ہی کورونا وائرس پھیلنے کے نتیجہ میں کیرالہ ۔ کرناٹک کی سرحد پر واقع کاسرگوڈ اور منگلورو کے درمیان روازنہ ملازمت اور تعلیم کے سلسلہ میں آنے جانے والے لوگوں کیلئے ہر دن نت نئی پریشانیوں کا سامنا کرناپڑرہا ہے۔

کاروار اسپتال سے 12 مزید لوگ ڈسچارج

بھلے ہی  ضلع اُترکنڑا میں کورونا پوزیٹیو کے معاملے ہر روز سامنے آرہے ہوں، لیکن کاروار اسپتال میں ایڈمٹ کورونا کے متاثرین  روبہ صحت ہوکر ڈسچارج ہونے کا سلسلہ بھی برابر جاری ہے۔

اُترکنڑا میں پھر 36 کورونا پوزیٹیو؛ بھٹکل میں بھی کورونا کے بڑھنے کا سلسلہ جاری؛ آج ایک ہی دن 19 معاملات

اُترکنڑا میں کورونا کے معاملات میں روز بروز اضافہ کا سلسلہ جاری ہے اور آج منگل کو بھی ضلع کے مختلف تعلقہ جات سے 36 کورونا کے معاملات سامنے آئے ہیں جس میں صرف بھٹکل سے پھر ایک بار سب سے زیادہ  یعنی 19 معاملات سامنے آئے ہیں۔ کاروار میں 6،  ہلیال میں 3،  کمٹہ، ہوناور ...