مغربی بنگال: امت شاہ کی ریلی پر ممتا کی بندش، ہیلی کاپٹر لینڈنگ کی نہیں ملی اجازت

Source: S.O. News Service | By Shahid Mukhtesar | Published on 13th May 2019, 6:01 PM | ملکی خبریں | ان خبروں کو پڑھنا مت بھولئے |

جادھو پور،13؍مئی (ایس او نیوز؍ایجنسی) لوک سبھا انتخاب کےد وران بی جے پی اور ترنمول کانگریس کے درمیان کشیدگی بڑھتی ہی جا رہی ہے۔ پیر کے روز بی جے پی کے قومی صدر امت شاہ کو ایک امیدوار کے لیے انتخابی ریلی کرنے مغربی بنگال کے جادھو پور پہنچنا تھا لیکن شاہ کے ہیلی کاپٹر کو لینڈنگ کی اجازت نہیں مل پائی۔ ذرائع کے مطابق امت شاہ کو دوپہر میں ریلی کی شروعات کرنی تھی، لیکن اب انھیں اپنی ریلی کو منسوخ یا رَد کرنا پڑ سکتا ہے۔ اس پر بی جے پی کے راجیہ سبھا رکن پارلیمنٹ انل بلونی نے کہا ہے کہ پارٹی فیصلے کی مخالفت میں احتجاج کرے گی اور انتخابی کمیشن کے پاس جائے گی۔

حالانکہ بی جے پی کے لیڈروں کو مغربی بنگال میں ریلی کرنے کے لیے اجازت نہ دیے جانے کا یہ کوئی پہلا معاملہ نہیں ہے۔ اس سے پہلے بھی 21 جنوری کو شاہ کے ہیلی کاپٹر کو لینڈنگ کی اجازت نہیں ملی تھی جس کے سبب انھیں اس دن کی ریلی کو معطل کرنا پڑا تھا۔ اس کے بعد انھوں نے 22 جنوری کو مالدا میں ریلی کی تھی۔

مالدا میں بھی وہاں کے ایڈیشنل ڈی ایم نے امت شاہ کے ہیلی کاپٹر کو لینڈنگ کی اجازت نہیں دی تھی۔ ڈی ایم نے اس کی وجہ بتاتے ہوئے کہا تھا کہ ’’مالدا ائیر پورٹ پر اَپ گریڈیشن کا کام چل رہا ہے۔ چاروں جانب مٹی اور باقی سامان پڑا ہے۔ ہیلی کاپٹر کی محفوظ لینڈنگ کے لیے ائیر پورٹ ڈپٹی کمشنر نہیں ہے۔ اجازت ملنا ممکن نہیں ہے۔‘‘

اس کے علاوہ اتر پردیش کے وزیر اعلیٰ یوگی آدتیہ ناتھ کو تین فروری کو ریلی کی اجازت نہیں دی گئی تھی۔ اس کے بعد انھوں نے دوسرا راستہ نکالتے ہوئے موبائل فون سے ریلی کو خطاب کیا تھا۔ انھوں نے کہا تھا کہ بنگال میں عوام مخالف ترنمول کانگریس حکومت کے دن گنے چنے رہ گئے ہیں۔ انھوں نے مجھے ریلی میں شامل نہیں ہونے دیا لیکن وہ میری آواز نہیں دبا سکتے۔

انتخابی کمیشن پر نشانہ سادھتے ہوئے بی جے پی لیڈروں نے کہا کہ کمیشن ترنمول کانگریس کے تئیں مبینہ غیر جمہوری ذرائع کا ’خاموش تماشائی‘ بن گیا ہے۔ بی جے پی میڈیا انچارج اور راجیہ سبھا رکن پارلیمنٹ انل بلونی کا کہنا ہے کہ پارٹی احتجاجی مظاہرہ کرے گی اور انتخابی کمیشن بھی جائے گی۔ ریاستی انتظامیہ نے آخری وقت پر امت شاہ کی ریلی اور ہیلی کاپٹر کی لینڈنگ کو منظوری دینے سے منع کر دیا ہے۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔

کاروارمیں ریڈ الرٹ کے باوجود کوسٹل سیکیوریٹی پولیس کی انٹر سیپٹر کشتیاں نہیں اتریں سمندر میں!

ابھی دو دن پہلے ملک کی خفیہ ایجنسی نے سمندری راستے سے دہشت گردانہ حملہ ہونے کا خدشہ ظاہر کیا تھا جس کے بعد پوری ریاست کرناٹکا میں اور بالخصوص ساحلی کرناٹکا میں ریڈ الرٹ جاری کیا گیا ہے۔

منگلورو:ڈاکٹرمریم انجم بن گئیں خواتین سے متعلقہ کینسرکے علاج میں ایم سی ایچ ڈگری پانے والی جنوبی کینرا کی پہلی ماہر ڈاکٹر 

ڈاکٹر مریم انجم نے خواتین سے متعلقہ کینسر کے شعبے میں خصوصی مہارت والی ایم سی ایچ کی ڈگری حاصل کی ہے۔ جس کے ساتھ انہیں جنوبی کینرا میں اس طرح کی مہارت پانے والی پہلی ڈاکٹر ہونے کا اعزاز ملا ہے۔