سورو گنگولی کی حالت مستحکم ، گورنر اور سی ایم ممتا بنرجی سمیت متعددلیڈران پہونچے

Source: S.O. News Service | Published on 3rd January 2021, 12:13 PM | ملکی خبریں | اسپورٹس | ان خبروں کو پڑھنا مت بھولئے |

کولکاتہ،3؍جنوری(ایس او نیوز؍آئی این ایس انڈیا) بی سی سی آئی کے صدر سورو گنگولی کی صحت اب مستحکم ہے۔ مغربی بنگال کے گورنر جگدیپ دھنکھڑ اوروزیراعلیٰ ممتا بنرجی سمیت متعدد وزراء اورٹی ایم سی اوربی جے پی کے لیڈران ان کی حالت جاننے کے لیے اسپتال پہنچے۔ اسپتال پہنچنے والے بنگال کے وزیر فرہاد حکیم نے بھی ان کی صحت سے متعلق معلومات فراہم کیں۔

اس ملاقات کے بعد گورنر جگدیپ دھنکڑ نے کہاہے کہ میں نے دادا کو اچھے موڈ میں دیکھا ۔ میں نے ان سے بات کی۔ مجھے یہ دیکھ کر خوشی ہوئی کہ دادا مسکرا رہے تھے۔ وہ ہمیشہ اچھے موڈمیں رہتے ہین۔اس سے قبل کولکاتہ کے ووڈ لینڈز اسپتال میں ان کا علاج کرنے والے ڈاکٹر آفتاب خان نے بتایاہے کہ سورو گنگولی کی انجیوپلاسٹی ہوا ہے۔ ان کی صحت اب بھی مستحکم ہے۔ ان پر 24 گھنٹے نگرانی کی جائے گی۔ وہ پوری طرح ہوش میں ہیں۔ اس کے دل میں دو رکاوٹیں ہیں۔

ہسپتال کے سی ای او ڈاکٹر روپالی باسو اور ڈاکٹر سروج منڈل نے بتایاہے کہ سورو گنگولی کے دل میں بہت سی رکاوٹیں ہیں جن کی حالت نازک ہے۔ یہ سکون کی بات ہے کہ اب ان کی صحت مستحکم ہے۔ انہیں اسٹینٹ لگائے گئے ہیں۔ سورو گنگولی ابھی بھی ہوش میں ہیں اور انہوں نے خیر خواہوں سے ملاقات کی ہے۔اس سے قبل ووڈ لینڈ ہسپتال نے ایک بیان جاری کیاہے۔بیان کے مطابق سوروگنگولی انجیوپلاسٹی کروا چکے ہیں۔ بیان میں کہاگیاہے کہ سورو گنگولی کی حالت اب مستحکم ہے۔انھوں نے انجیو پلاسٹی کروائی جس کے بعد دل کی رگوں میں ایک اسٹینٹ داخل ہوا۔ اس وقت سوروگنگولی بالکل ٹھیک ہیں۔ خدا کا شکرہے۔اسی دوران بہت سارے لیڈران سورو گنگولی کی حالت جاننے کے لیے اسپتال پہونچے ہیں۔ مغربی بنگال حکومت کے وزیر ، فرہاد حکیم 48 سالہ سابق کرکٹر کی حالت جاننے کے لیے پہنچے۔

ان کے علاوہ بنگال کے گورنر جگدیپ دھنکڑ اوروزیر اروپ وشواس ، بی جے پی لیڈر پرتاپ بینرجی ، سی پی آئی ایم کے ایم ایل اے سوجن چکرورتی نے بھی اسپتال کا دورہ کیا۔مغربی بنگال کی وزیراعلیٰ ممتابنرجی نے سورو گنگولی کی صحت کے بارے میں تشویش کا اظہار کیا ۔ انہوں نے سورو گنگولی کی جلد صحت یاب ہونے کی خواہش کی۔ ممتا بنرجی نے ٹویٹ کیا اور خواہش کی کہ سورو جلد صحت یاب ہوجائیں۔گورنر جگدیپ دھنکڑ نے بھی سوروگنگولی کی صحت یابی کی خواہش کی ہے۔ گورنر نے ٹویٹ کیا ہے کہ جب مجھے یہ خبر ملی ، میں نے فوری طور پر اسپتال کے حکام سے رابطہ کیا۔ ان (سورو گنگولی) کا اچھی طرح سے خیال رکھا جارہا ہے اور اس کی حالت بہتر ہو رہی ہے۔ ان کی صحت مستحکم ہے۔مجھے یقین ہے کہ وہ جلد ہی فٹ ہوجائیں گے۔

ایک نظر اس پر بھی

ہریانہ میں سرکاری اداروں کو احتجاجاًدودھ100؍ روپے لیٹر بیچنے کی اپیل

زرعی قوانین  کے خلاف کسانوں کے احتجاج کو مودی حکومت  کے ذریعہ پوری طرح نظر انداز کردیئے جانے  کے  بعد احتجاج کا نیا طریقہ تجویز کرتے ہوئے ہریانہ کی کھاپ پنچایت نے کسانوں سے دودھ خریدنے والی سرکاری کوآپریٹیو سوسائٹیوں کو دودھ 100؍ روپے لیٹر فروخت کرنے کی اپیل کی ہے۔ یہ اپیل ...

پرشانت کشور نے پھر ممتا کی فتح کو یقینی قرار دیا، یہ چیلنج بھی دہرایا کہ زعفرانی پارٹی بنگال میں 2ہندسی عدد پار نہیں کرپائیگی

انتخابات کی تاریخوں کا اعلان ہوتے ہی ممتا بنرجی کی انتخابی مہم کی حکمت عملی تیار کرنے والے پرشانت کشور نے اپنے اس  چیلنج کو دہرایا ہے کہ مغربی بنگال میں ایک بار پھر ممتا بنرجی ہی اقتدارمیں واپس آئیں گی۔

کانگریس کی کمزوری پر سینئر لیڈروں کا درد پھر چھلک آیا، قیادت سے نالاں، کانگریس میں نئی جان پھونکنے کی ضرورت‘جموں میں منعقدہ ’شانتی سمیلن‘ سے سینئر کانگریس لیڈروں کا خطاب

آل انڈیا کانگریس پارٹی کے کئی سینئر لیڈروں نے آج کہا ہے کہ پارٹی گزشتہ ایک دہائی کے دوران بہت کمزور ہوگئی ہے اور اسے واپس ڈگر پر لانے کے لئے متحد ہوکر کوششیں کرنے کی ضرورت ہے۔

گجرات کے موٹیرا میں دنیا کے سب سے بڑے کرکٹ میدان ’نریندر مودی اسٹیڈیم‘ کا افتتاح

صدر رام ناتھ کووند نے آج دنیا کے سب سے بڑے کرکٹ اسٹیڈیم موٹیرا کے علاقے میں واقع جو اب ’نریندر مودی اسٹیڈیم‘ کے نام سے جانا جائے گا ، کا رسمی افتتاح اور قریب میں ہی تیار ہونے والے سردار ولبھ بھائی پٹیل اسپورٹس انکلیو کا بھومی پوجن کیا۔

بھٹکل میں مدینہ کے زیراہتمام ٹی۔ٹین تعلقہ لیول کرکٹ ٹورنامنٹ کا شاندار آغاز؛ ایک اوور میں دولگاتار چھکے لگانے پر تیسرا بال فری ہٹ

مدینہ  ویلفیر سوسائٹی کے زیراہتمام دس اووروں پر مشتمل ٹی۔ٹین تعلقہ لیول کرکٹ ٹورنامنٹ کا سنیچر سے شاندار آغاز ہوا جس میں ہر روز چار چار میچس کھیلے جائیں گے۔ بھٹکل وینکٹاپور آئیس فیکٹری کے قریب مدینہ گراونڈ میں  منعقدہ  اس ٹورنامنٹ میں منکی کی تین ٹیموں اور مرڈیشور  کی  تین ...

آئی پی ایل 2021: کرس مورس کو راجستھان رائلس نے 16.25 کروڑ روپے میں خریدا ، آئی پی ایل کی تاریخ کے سب مہنگے کھلاڑی بنے

جنوبی افریقہ کے آل راونڈر کرس مورس کو راجستھان رائلس نے جمعرات کو آئی پی ایل نیلامی میں جیسے ہی 16.25 کروڑ روپئے کی حیرت انگیز قیمت پر خریدا اس کے ساتھ ہی وہ آئی پی ایل نیلامی کی تاریخ میں سب سے مہنگے کھلاڑی بن گئے۔

آئی سی سی ٹیسٹ رینکنگ میں پنت، روہت اور اشون کی زبردست چھلانگ

 ہندوستان کے سلامی بلے باز روہت شرما، آف اسپن آل راؤنڈر روی چندرن اشون اور وکٹ کیپر رشبھ پنت نے انگلینڈ کے خلاف چنئی میں دوسرے ٹسٹ میں 317 رن کی تاریخی جیت میں اپنے اہم تعاون کی بدولت آج تازہ آئی سی سی ٹسٹ رینکنگ میں چھلانگ لگائی ہے۔

یلاپور کی نندولی دیہات کی طالبہ کا اغواء کاری معاملہ : ماں کے خوف سےخود لڑکی نے  گھڑی تھی جھوٹی کہانی  

یلاپور تعلقہ نندولی دیہات میں دسویں میں زیر تعلیم طالبہ کے اغواءکاری معاملے کی  سچائی کا پتہ چلتے ہی جانچ میں جٹی پولس ٹیم حیرت میں پڑگئی ہے۔ لڑکی نے جھوٹی کہانی گھڑتے ہوئے خود اغواء ہونےکا ناٹک رچے جانے کی بات لڑکی نے پولس کے سامنے بیان کی ہے۔

بھٹکل رتھ اتسوا امن و شانتی کے ساتھ ہوا اختتام پزیر

بھٹکل چن پٹن ہنومان مندر کا رتھ اتسوا امن و شانتی کے ساتھ اختتام پزیر ہوا۔ سالانہ جاترا کی مناسبت رتھ اتسوا اپریل کے مہینے میں منعقد ہوتا ہے۔ لیکن کووڈ وباء اور لاک ڈاون کے پیش نظر گزشتہ سال یہ تہوار منایا نہیں گیا تھا۔ اس لئے امسال کے طے شدہ تہوار سے قبل 26 فروری کو گزشتہ سال کا ...