ممتا بنرجی نے لگاتار تیسری مرتبہ وزیر اعلیٰ کے عہدے کا حلف اٹھایا، ’پرتشدد واقعات کو برداشت نہیں کیا جائے گا، سخت کارروائی ہوگی‘؛ ممتا بنرجی کا بیان

Source: S.O. News Service | Published on 5th May 2021, 11:28 AM | ملکی خبریں |

کولکاتہ، 5؍مئی (ایس او نیوز؍ایجنسی)  مغربی بنگال میں ہونے والے اسمبلی انتخابات میں شاندار جیت حاصل کرنے کے بعد ٹی ایم سی کی سربراہ ممتا بنرجی نے تیسری مرتبہ مغربی بنگال کی وزیر اعلیٰ کے طور پر حلف اٹھایا۔ ریاست کے گورنر جگدیپ دھنکڑ نے انہیں حلف دلوایا، جس کے بعد ممتا بنرجی ایک مرتبہ پھر وزیر اعلیٰ کے عہدے پر فائز ہو گئیں۔

لف اٹھانے کے فوری بعد ممتا بنرجی نے کہا کہ کورونا کے خلاف جنگ ان کی ترجیحات میں شامل ہے۔ اس کے علاوہ انہوں نے کہا کہ بنگال میں اب تشدد کے واقعات کو برداشت نہیں کیا جائے گا۔ انہوں نے کہا، ’’بنگال کو تشدد پسند نہیں ہے۔ میں ذاتی طور پر نظم و قانون کے مسائل کا جائزہ لوں گی اور یقینی بناؤں گی کہ ریاست میں امن قائم ہو۔

ممتا بنرجی نے مزید کہا ’’میں سبھی سے امن برقرار رکھنے کی اپیل کرتی ہوں۔ اگر کسی بھی پارٹی کے شخص نے تشدد کیا تو اس کے خلاف سخت کارروائی عمل میں لائی جائے گی۔ میں امن کی حامی ہوں اور ہمیشہ رہوں گی۔‘‘

وزیر اعلیٰ ممتا بنرجی کا مزید کہنا تھا کہ نظم و نسق کی ذمہ داری پچھلے تین ماہ سے الیکشن کمیشن آف انڈیا (ای سی آئی) کے زیر نگرانی تھی۔ کمیشن نے متعدد افسران کو تبدیل کر دیا، جنہیں پھر سے بحال کیا جائے گا۔ انہوں نے کہا کہ میں نے ابھی حلف لیا ہے اور میں اس بات کو یقینی بناؤں گی کہ امن برقرار رہے۔

واضح رہے کہ مغربی بنگال اسمبلی انتخابات میں زبردست فتح درج کر کے ترنمول کانگریس نے تاریخ رقم کر دی ہے۔ ریاست میں مسلسل تیسری بار ٹی ایم سی اقتدار پر قابض ہوئی ہے۔ مغربی بنگال اسمبلی انتخابات 2021 میں پارٹی نے 292 اسمبلی نشستوں میں سے 213 پر کامیابی حاصل کی ہے، جو اکثریت کے ہدف سے کافی زیادہ ہے۔ وہیں، اس اسمبلی انتخابات میں اپنی پوری طاقت جھونک دینے والی بی جے پی صرف 77 نشستوں پر ہی کامیابی حاصل کر سکی۔

ایک نظر اس پر بھی

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔