مالیگاؤں 2008ء بم دھماکہ معاملہ، سادھوی پرگیا سنگھ ٹھاکر کو جھٹکا

Source: S.O. News Service | Published on 4th June 2019, 10:20 AM | ملکی خبریں | ان خبروں کو پڑھنا مت بھولئے |

ممبئی،4/ جون (ایس او نیوز؍پریس ریلیز) مالیگاؤں 2008 ء بم دھماکہ معاملے کی کلیدی ملزمہ اور برسراقتدار بھارتیہ جنتا پارٹی کی رکن پارلیمنٹ سادھوی پرگیا سنگھ ٹھاکر کو آج اس وقت شدید دھچکہ لگا جب ممبئی کی خصوصی این آئی اے عدالت نے اس کی عدالت سے لگاتار غیر حاضری پر سخت اعتراض کیا اور اس کے وکیل کی جانب سے داخل کردہ عرض داشت کو خارج کرتے ہوئے حکم دیا کہ ملزمہ کو ہفتہ میں ایک دن عدالت میں حاضر ہونا پڑے گا۔

موصولہ اطلاعا ت کے مطابق آج ملزمہ کے وکلاء جے پی مشرا اور پرشانت مگو نے خصوصی عدالت میں سادھوی کی غیر حاضر کی وجہ اس کے پارلیمنٹ الیکشن کے نتائج کے بعد سے وہ آفیشیل کام کے سلسلہ میں دہلی میں مقیم ہے لہذا آج وہ عدالت حاضرنہیں ہوسکتی ہے لہذا اسے حاضر ہونے سے چھوٹ دی جائے۔

خصوصی این آئی اے جج ونود پڈالکر نے سادھوی کی عرضداشت کو خارج کرتے ہوئے اسے حکم دیا کہ وہ اسے کم از کم ہفتہ میں ایک دن عدالت میں حاضرہونا ہوگا نیز دوسرے ملزمین کو متنبہ کیاکہ ان کی بھی عدالت سے غیر حاضری برداشت نہیں کی جائے۔

اسی درمیان عدالت میں آج بم دھماکوں کے مقام کا نقشہ بنانے والے سرکاری گواہ چودھری کی گواہی عمل میں آئی جس نے بم دھماکوں کے بعد پولس کی درخواست پر بھکو چوک کا نقشہ تیار کیا تھا جہاں آج سے گیارہ سال قبل 28/ روزے کی شب بم دھماکہ ہوا تھا جس میں 6 لوگ شہید اور 101 شدید زخمی ہوئے تھے۔

سرکاری گواہ سے خصوصی سرکاری وکیل اویناس رسال نے سوالات کیئے جس کے بعد اس سے دفاعی وکلاء جے پی مشراء اور سدیپ پاسبولا نے جرح کی اور اس پر پولس کے دباؤ میں عدالت میں جھوٹی گواہی اور پولس کی ہدایتوں کے مطابق نقشہ تیار کرنے کا الزام عائد کیا جس سے گواہی نے انکار کیا۔

آج عدالت میں دوران کارروائی بم دھماکہ متاثرین کی نمائندگی کرنے والی تنظیم جمعیۃ علماء مہاراشٹر (ارشد مدنی) کے وکلاء شاہد ندیم، ارشد شیخ، شیخ عادل و دیگر موجود تھے۔

ایک نظر اس پر بھی

پارلیمانی اجلاس کا آغاز تین طلاق بل منظورکرانا حکومت کیلئے بڑا چیلنج

پارلیمنٹ کے پیر سے شروع ہونے والے اجلاس میں نئی حکومت کے سامنے جہاں تین طلاق بل سمیت دس اہم آرڈیننس کو منظور کرانے کا بڑا چیلنج ہوگا، وہیں اپوزیشن پارٹیاں حکومت کو کسانوں، بے روزگاری، سکیولرزم، الیکٹرانک ووٹنگ مشین جیسے بہت سے دیگر مسائل پر گھیرنے کی کوشش کریں گی-

علاج کے لئے منگلور جانے والے توجہ دیں: منگلورو اور اڈپی کے اسپتالوں میں کل 17جون کو او پی ڈی خدمات رہیں گی بند

 بھٹکل اور اطراف سے کافی لوگ  علاج معالجہ کے لئے پڑوسی ضلع اُڈپی اور مینگلور کے اسپتالوں کا رُخ کرتے ہیں،  ان کے لئے  بری  خبر یہ ہے کہ کل  ڈاکٹروں کے احتجاج کے پیش نظر  مینگلور اور اُڈپی کے اسپتالوں میں باہری  مریضوں  کا علاج  نہیں ہوگا۔

آئی ایم اے معاملہ میں نرم رویہ اختیار کرنے کاسوال پیدا نہیں ہوتا: ضمیر احمد خان

آئی مانیٹری اڈوائزری (آئی ایم اے) نامی پونزی کمپنی کے دھوکہ دہی معاملہ میں نرم رویہ اختیار کئے جانے کا سوال پیدا نہیں ہوتا۔ خصوصی تحقیقاتی ٹیم (ایس آئی ٹی) کی جانب سے تحقیقات جاری ہیں۔اس پس منظر میں بی جے پی کی جانب سے عائد کئے جارہے الزامات بکواس ہیں۔

کرناٹکا اُردو اکیڈمی کی جانب سے امسال بھٹکل کے دو صحافیوں کو بھی ایوارڈ؛ 2 اور3 جولائی کو ہوگی بنگلور میں تقریب

 کرناٹکا اُردو اکیڈمی نے امسال پہلی بار بھٹکل کے دو صحافیوں بھٹکل نیوز کے ایڈیٹر عتیق الرحمن شاہ بندری اور پھول میگزین  کے ایڈیٹرمولوی عبداللہ دامدا ابو ندوی  کو    ایوارڈ سے نوازے جانے کا اعلان کیا ہے۔

ٹک ٹاک کی لعنت ،17/سالہ لڑکے کی گئی جان،پستول کے ساتھ ٹک ٹاک ویڈیو شوٹ کے دوران  چلی تھی گولی، دو گرفتار 

’ٹک ٹاک‘ پر صرف اخلاق سوز ویڈیو ہی نہیں بنائے جاتے؛بلکہ اپنے ویڈیوکو ’ہٹ‘ کرنے کے لیے عجیب و غریب حرکتیں بھی کی جاتی ہیں، تاہم اسی عجیب و غریب حرکت کے باعث مہاراشٹر کے شری ڈی میں ٹک ٹاک ویڈیو بنانے کے دوران گولی چلنے سے ایک نوعمر لڑ کا ہلاک ہوگیا۔