کیرالا کی نرس کو ابوظہبی بگ ٹکٹ ڈرا میں 45کروڑ کا انعام
ترواننتاپورم،5/جون (ایس او نیوز/ایجنسی) ابوظہبی میں کام کرنے والی کیرالا کی ایک نرس نے 20ملین اماراتی درہم(تقریباً45کروڑ روپئے) کا بگ ٹکٹ ڈرا آف ابوظہبی جیتا ہے۔ لولمول اچماں نے ہفتہ کے دن یہ انعام جیتا۔
وہ گذشتہ21 سال سےابوظہبی میں کام کررہی ہے۔ اس نے کہا کہ اس کا شوہر ہر ماہ ابوظہبی انٹرنیشنل ایرپورٹ سے بگ ٹکٹس خریدتا رہتا ہے۔ ملیالی نرس نے کہا کہ وہ انعامی رقم کا ایک حصہ اپنی فیملی کے ساتھ شیئر کرے گی اور مابقی رقم چیریٹی(خیر۔خیرات) اور اپنے بچوں کی تعلیم پر خرچ کرے گی۔
ہفتہ کے دن کیرالا کے دیگر4 افراد نے بھی دیگر انعامات جیتے۔ متحدہ عرب امارات کے دارالحکومت ابوظہبی میں گذشتہ50برس سے کیرالا کے این آرآئیز کی کثیرتعداد آباد ہے۔