کاروار میں مہرشی والمیکی جینتی پروگرام میں طلبا کی تہنیت : جدید ترقی نے زند گی کو بدل کررکھ دیا ہے : ڈی سی
کاروار:13؍اکتوبر(ایس اؤ نیوز)بدلی ہوئی جدید زندگی میں لوگوں کے اصول واقدار میں بھی تبدیلیاں ہوئی ہیں۔ نئی نسل میں پہلے جیسے بزرگوں کا احترام باقی نہیں رہا،نئی نسل کے نوجوان صرف ظاہری اصولوں پر اکتفا کرنا افسوس ناک ہے۔ والدین خاص کر اس سلسلے میں نوجوانوں پر توجہ دے کر تربیت و رہنمائی کرنےکی اترکنڑا ضلع ڈپٹی کمشنر ڈاکٹر ہریش کمار نے اپیل کی۔
ضلع انتظامیہ ، ضلع پنچایت، محکمہ سماجی فلاح وبہبودی ، محکمہ پسماندہ طبقات فلاحی وبہبودی ، محکمہ کنڑا اور سنسکرتی اور کاروار میونسپالٹی کے اشتراک سے منعقدہ مہرشی والمیکی جینتی پروگرام کا افتتاح کرنے کے بعد خطاب کررہے تھے۔ انہوں نے مہرشی والمیکی کی مثال پیش کرتےہوئے نوجوانون سے کہاکہ جس طرح رتنا کر ،والمیکی میں تبدیل ہوئے اسی طرح وہ اپنے اخلاق و کردار کی مثال پیش کرتےہوئے بہتر زندگی تعمیر کریں۔ ڈاکٹر گیتا تلوار نے خصوصی مقالہ پیش کرتے ہوئے رامائن جیسی طویل نظم لکھنے والے مہرشی والمیکی سماجی شاعر ہیں، ان کے سماج والے بھی دستوری حقوق اور سہولیات سے استفادہ کرتےہوئے ترقی کرنے کی اپیل کی۔ طبقے کے لیڈران شیام والمیکی نے بھی اپنے خیالات کااظہار کیا۔ محکمہ جات کے افسران ہیمنت راجو، ایس پرشوتم، ناگراج تلوار وغیرہ موجود تھے۔
پروگرام میں گزشتہ سال ایس ایس ایل سی اور پی یوسی میں امتیازی نمبرات سے کامیاب ہوئے طلبا کی تہنیت کی گئی اور محکمہ کی طرف سے کئی سہولیات کی تقسیم کی گئی ۔ پروگرام سے قبل ڈی سی دفتر سے مہرشی والمیکی کی تصاویر اور فنکاروں پر مشتمل جلوس نکالاگیا۔ ضلع پنچایت سی ای اؤ محمد روشن نے جلوس کا اجراء کیا۔