پاک کرکٹ ٹیم میں دستک دینے کو تیار ہے پہلاسکھ کرکٹر

Source: S.O. News Service | By Shahid Mukhtesar | Published on 18th April 2018, 11:54 AM | اسپورٹس |

نئی دہلی،17؍اپریل (ایس او نیوز؍ آئی این ایس انڈیا ) پاکستان کی قومی کرکٹ ٹیم میں تمام مسلم کھلاڑی ہی کھیلتے ہیں اور تاریخ میں بھی گنے چنے غیر مسلم نام ہیں جو ٹیم کا حصہ بن پائے ہیں۔لیکن اب پہلی سکھ کرکٹر پاکستان کی قومی ٹیم میں دستک دینے کے لئے تیار ہے، نام ہے مہندر پال سنگھ۔تیز گیند باز مہندر کو پاکستان کی قومی کرکٹ اکیڈمی میں شامل کیا گیا ہے۔اب وہ فرسٹ کلاس کرکٹ کھیلنے کی تیار کر رہے ہیں جن کا مقصد اپنے ملک کے لئے کھیلنا ہے۔مہندر کو 2016 میں ابھرتے ہوئے کھلاڑی کے طور پر منتخب کیا گیا تھا۔اپنے انتخاب پر مہندر نے کہاکہ میں این سی اے میں منتخب ہونے والا پہلا سکھ کرکٹر ہوں اور یہاں میری کوشش رہے گی کہ کوچنگ کے دوران قریب سے کرکٹ سیکھو۔انہوں نے کہا کہ فرسٹ کلاس کھیلنے کے بعد ملک کے لئے کھیلنا ایک خواب ہے۔مہندر نے کہاکہ امید ہے کہ سکھ ہونے کی وجہ سے کوئی مجھے آگے بڑھنے سے نہیں روک پائے گا۔اس کے ساتھ انہوں نے یاد دلایا کہ پاکستان میں کرکٹ کے تئیں جذبہ صرف اکثریتی مسلم کمیونٹی سے منسلک مسئلہ نہیں ہے۔پاکستان کی کرکٹ ٹیم میں ہندو کرکٹر دانش کنیریا بھی کھیل چکے ہیں۔اسپنروں دانش کو انگلینڈ کاؤنٹی کرکٹ میں میچ فکسنگ کے الزامات کے بعد زندگی بھر کے لیے پابندی عائد کر دی گئی ہے۔

ایک نظر اس پر بھی

آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں 7 وکٹوں سے شکست دی

  کپتان اینڈی بال برنی (113) اور افتتاحی بلے باز پال اسٹارلنگ (142) کی شاندار سنچریوں کی بدولت آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں سات وکٹوں سے ہراکر زبردست کامیابی حاصل کی ہے۔