مہاراشٹر میں کورونا وائرس کے ڈیلٹا پلس کی وجہ سے تیسری موت، رائے گڑھ میں بھی69سالہ شخص کی موت
ممبئی ،14؍اگست (ایس او نیوز؍ایجنسی)مہاراشٹر کے رائے گڑھ میں کورونا وائرس کے ڈیلٹا پلس ویری ینٹ کی وجہ سے ایک موت سامنے آئی ہے- مہاراشٹر میں ڈیلٹا پلس کی یہ تیسری موت ہے- وائرس کے اس ویری ینٹ میں پہلی موت رتنا گیری اور دوسری ممبئی میں درج ہوئی- رائے گڑھ ڈسٹرکٹ کلکٹر ندھی چودھری نے ڈیلٹا پلس کے ایک69سالہ شخص کی موت کی تصدیق کی ہے- تفصیلی معلومات کا انتظار ہے-یہ بات قابل غور ہے کہ اس سے قبل ملک کے مالیاتی دارالحکومت ممبئی میں ایک خاتون ڈیلٹا پلس ویری ینٹ سے مر گئی تھی- اس63سالہ خاتون نے ویکسین کی دونوں خوراکیں لی تھیں - 21جولائی کو وہ ٹسٹ میں کووڈ پازیٹیو پائی گئی اور27جولائی کو اس کی موت ہوگئی-اس خاتون کو ذیابیطس سمیت کئی مسائل تھے- یہ خاتون ممبئی کے ان سات مریضوں میں سے ایک تھی جنہوں نے حال ہی میں ڈیلٹا پلس سے پازیٹیو پائے گئے - ڈیلٹا پلس کو اس کے دو قریبی ساتھیوں میں بھی شناخت کیا گیا ہے- اسپتال میں وہ آکسیجن سپورٹ پر تھیں،اس خاتون کا کوئی سفری ریکارڈ نہیں تھا- واضح رہے کہ مہاراشٹر میں کووڈ کے ڈیلٹا پلس کے بارے میں تشویش مسلسل بڑھ رہی ہے-مہاراشٹر کے بارے میں بات کریں تو کل60سے زیادہ ڈیلٹا پلس مریض ہیں - ڈیلٹا پلس کے بڑھتے ہوئے کیسوں کے درمیان ویکسین کی کمی کی اطلاعات سامنے آئی ہیں -