مہاراشٹر حکومت کا بڑا فیصلہ، اب قبائلی خواتین چلائیں گی بس

Source: S.O. News Service | By Shahid Mukhtesar | Published on 24th August 2019, 6:18 PM | ملکی خبریں |

نئی دہلی،24/اگست (ایس او نیوز/ آئی این ایس انڈیا) مہاراشٹر حکومت نے قبائلی خواتین کے مفاد میں ایک بڑا فیصلہ کیا ہے۔ حکومت نے قبائلی خواتین کو مہاراشٹر اسٹیٹ روڈ ٹرانسپورٹ کارپوریشن کی بسوں میں بطور ڈرائیور منتخب کیا ہے۔ سابق صدر پرتبھا پاٹل نے خواتین کو بس ڈرائیوروں کے طور پر تربیت اور روزگار دینے کی کارپوریشن کی پہل کا افتتاح کیا۔ 163 خواتین کو اس پائلٹ پروجیکٹ کے لئے منتخب کیا گیا ہے۔ ان خواتین کو ڈرائیونگ کی تربیت دی جائے گی اور پھر انہیں بطور ڈرائیور کام دیا جائے گا۔ تقریب میں ریاست ٹرانسپورٹ وزیر دیواکر راوتے نے کہاکہ حکومت خواتین ڈرائیوروں کی حفاظت پر توجہ دے گی۔ ملک میں پہلی بار اس طرح کی پہل ہوئی ہے۔ ہم خواتین کے تحفظ کویقینی بنائیں گے۔سابق صدر پرتبھا پاٹل نے مشورہ دیا کہ ایم ایس ٹی آر سی کو تحفظ کا خیال کرتے ہوئے خواتین ڈرائیوروں کو ان کے گھروں سے زیادہ دور نہیں بھیجنا چاہئے۔ اس کے علاوہ انہوں نے حکومت سے کہا کہ ڈرائیوروں کو باہر رہنے کے دوران محفوظ جگہ بھی دستیاب کروائی جانی چاہیے۔سابق صدر نے کہاکہ 'خواتین کو تعلیم دینے اور انہیں تیار کرنے سے ملک آگے بڑھے گا۔ قبائلی کمیونٹی ہماری ثقافت کا اہم حصہ ہے۔ ' جن خواتین کو ٹریننگ دینے کے لئے منتخب کیا گیا ہے وہ گڑھچرولی، وردھا، بھاندارا اور گوندیا ضلع سے ہیں۔ حالانکہ حکومت کے فیصلے سے خواتین خوش دکھائی دیں۔ ابھی تک خواتین کے لئے اس طرح کی نوکری کو محدود سمجھا جاتا تھا۔منتخب ہونے والی خاتون وجے راجیشوری نے بتایاکہ 'ہمارا منتخب ہونا خواب کے سچ ہونے جیسا ہے۔ میں نے کبھی نہیں سوچا تھا کہ میں ڈرائیور بنوں گی۔ میں بہت خوش ہوں۔ یہ ایک خاتون کے لئے اچھا موقع ہے۔ وہ ہر میدان میں آگے بڑھ رہی ہیں۔ اب وہ اس سیکٹرمیں بھی اپنی قابلیت ثابت کریں گی۔

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔