مہاراشٹر حکومت کا فرمان، سرکاری کام میں مراٹھی زبان استعمال کریں ورنہ نہیں بڑھے گی تنخواہ 

Source: S.O. News Service | Published on 30th June 2020, 10:59 PM | ملکی خبریں |

ممبئی، 30 جون (آئی این ایس انڈیا) مہاراشٹرا میں شیوسینا کے اقتدار میں آنے کے ساتھ ہی مراٹھی زبان پربحث دوبارہ شروع ہوگئی ہے۔

ریاست کے جنرل انتظامیہ محکمہ نے واضح طور پر کہا ہے کہ تمام ملازمین مراٹھی زبان استعمال کریں۔خودوزیراعلی ادھو ٹھاکرے کے پاس ہی یہ  محکمہ ہے،اس سے یہ بات واضح ہے کہ’مراٹھی مانوش‘ کے نظریہ کو فروغ دینے والی شیوسینا اس خیال کے پیچھے ہے۔ریاستی حکومت کے اس سرکلر میں واضح طور پر کہا گیا ہے کہ تمام سرکاری دفاتر، وزارتوں، ڈویژنل دفاتر اور شہری دفاتر میں خطوط اور مواصلات کے دیگر طریقوں میں سرکاری طور پر استعمال کیلئے صرف مراٹھی زبان کواستعمال کیا جانا چاہئے۔

ایسانہ کرنے کی صورت یا تو ملازمین کو وارننگ دی جائے گی یا پھر اس کی کنفڈینشیل رپورٹ میں اس کی انٹری کردی جائے گی یا ان کاپروموشن ایک سال کیلئے روک دیاجائے گا۔وزارت کے سرکلر میں کہا گیا ہے کہ اگر اس معاملے میں قصوروار پائے جانے پر چھوٹ تبھی دی جائے گی جب مراٹھی استعمال نہ کرپانے کی کوئی مضبوط وجہ دی جاسکے۔ سرکلر میں کچھ سرکاری منصوبوں کے اشتہارات اور نعروں کوہندی و انگریزی میں لکھے جانے کی بات کا نوٹس لیا گیا ہے۔ کہا گیا ہے کہ اس تناظر میں پہلے بھی سرکلر جاری کئے گئے تھے لیکن اس پر عمل نہیں کیا جارہا ہے۔

کابینہ کے اجلاس کے دوران بھی یہ مسئلہ کھڑا ہوا اور عہدیداروں کو سخت ہدایات دی گئیں کہ وہ متعلقہ محکمہ جات میں اس کانفاذکرائیں۔ سابق پرنسپل سکریٹری مہیش جاگڑے نے اس فیصلے کا خیرمقدم کرتے ہوئے کہاکہ اگر آپ مہاراشٹر میں کام کررہے ہیں، تو آپ کو صرف مراٹھی میں ہی بات چیت کرنی چاہئے۔ سابقہ حکومتوں نے بھی متنبہ کیا تھا لیکن اس میں کوئی فرق نہیں ہوا۔ ایسا لگتا ہے کہ اس حکومت نے اسے سنجیدگی سے لیا ہے۔

ایک نظر اس پر بھی

ملک میں کورونا انفیکشن نے پھر بنایا ریکارڈ، 24 گھنٹوں میں ملے 22,771 نئے کیس، 442 لوگوں کی موت

ملک میں کورونا وائرس روز بروز شدید شکل اختیار کرتا جارہا ہے اور گذشتہ 24 گھنٹوں کے دوران ملک میں کورونا وائرس کے ریکارڈ 22،771 نئے کیسز سامنے آئے ہیں ، جس سے متاثرین کی مجموعی تعداد بڑھ کر 6.48 لاکھ ہوچکی ہے۔

ممبئی میں موسلا دھار بارش، 38 مقامات پر پانی بھرگیا، ٹریفک جام سے عوام کو پریشانی

گزشتہ روز صبح ممبئی میں تین گھنٹوں تک جاری رہنے والی شدید بارش کے بعد کم سے کم 38 مقامات پر پانی بھرگیا، جس سے اندھیری اور سائن میں تین مقامات پر بڑے پیمانے پر ٹریفک جام ہوگیا اور ٹریفک کا رخ موڑنا پڑا۔

دہلی میں کورونا کے معاملات 94000سے زیادہ، 2900سے زیادہ لوگو ں کی موت

کورونا وائرس (کووڈ۔19) کا قہر رکنے کا نام نہیں لے رہا ہے اور راجدھانی میں کل 2520نئے معاملے سامنے آنے کے بعد متاثرین کی تعداد جمعہ کو بڑھ کر 94000سے زیادہ ہوگئی ہے اور 59مزید لوگوں کی موت کے ساتھ مرنے والوں کی تعداد 2923ہوگئی ہے۔