مہاراشٹر: جوا خانہ پر چھاپہ، آٹھ گرفتار
جالنہ13جون (ایس او نیوز/ آئی این ایس انڈیا) مہا راشٹر کے جالنہ ضلع میں ایک جوا خانہ پر کی گئی چھاپہ ماری کے دوران پولیس نے آٹھ افراد کو گرفتار کیا اور اس کے ساتھ ہی ایک لاکھ روپے سے زیادہ کی رقم بھی موقع سے ضبط کرلی۔ ایک افسر نے جمعرات کواس کی اطلاع دی۔ انہوں نے کہا کہ ایک اطلاع پر کارروائی کرتے ہوئے مقامی کرائم برانچ کے ٹیم نے بدھ کی شام ساما گاؤں میں ایک فارم ہاؤس پر چھاپہ مارا۔مقامی کرائم برانچ کے سربراہ راجندر سنگھ گور نے کہا کہ پولیس نے مبینہ طور پر جوا کھیل ر ہے آٹھ افراد کو گرفتار کیا ہے اور ایک لاکھ بیس ہزار روپے ضبط کئے۔ انہوں نے بتایا کہ اس کے ساتھ ہی احاطے سے کچھ موبائل فون، موٹر سائیکل اور ایک سپورٹس یوٹی لٹی وہیکل (ایس یو وی) بھی ضبط کی گئی ہے۔انہوں نے کہا کہ ملزمان کو بعد میں متعلقہ دفعات میں مقدمہ درج کئے جانے کے بعد گرفتار کر لیا گیاہے۔