مہاراشٹر انتخابات: بی جے پی ریاستی صدر چندرکانت پاٹل پر بیرونی ہونے کا الزام
نئی دہلی،08/اکتوبر(ایس او نیوز/آئی این ایس انڈیا) مہاراشٹر اسمبلی انتخابات 2019: ریاست کی کوتھروڈ اسمبلی سیٹ پر بی جے پی کی مشکلیں بڑھ سکتی ہیں۔پارٹی نے اس سیٹ پر بی جے پی کے ریاستی صدر چندرکانت پاٹل کو امیدوار بنایا ہے۔ٹکٹ نہ ملنے سے ناراض پارٹی کے ایک گروپ نے چندکانت پاٹل کو بیرونی امیدوار کہہ کر ان کے خلاف محاذ کھول دیا ہے۔ پاٹل بنیادی طور پر کولہاپور کے رہنے والے ہیں اور اسے لے کر کچھ پارٹی کارکن ان پر بیرونی ہونے کا الزام لگا رہے تھے۔بیرونی ہونے کا الزام جھیل رہے پاٹل نے کہاکہ دوسرے مقام پر رہ کر الیکشن لڑنا کوئی نئی بات نہیں ہے۔ہر پارٹی کا اپنی حکمت اور منصوبہ بندی ہوتی ہے اور کارکنوں سے اس سیٹ سے الیکشن لڑنے کو بھی کہا جاتا ہے جہاں وہ نہیں رہتے ہیں۔پاٹل نے کہا کہ وہ اپنے دوست کے کہنے پر ان کے یہاں رہ رہے ہیں۔ انہوں نے بتایا کہ کوتھروڈ میں انہوں نے عوام سے ملنے کے لئے ایک دفتر کرائے پر لیا ہے۔پاٹل کو مہاراشٹر نونرما سینا کے امیدوار کشور شندے کے خلاف کھڑا کیا گیا ہے۔شندے کو کانگریس اور این سی پی کی حمایت حاصل ہے۔بتا دیں کہ بی جے پی مہاراشٹر میں 150 سیٹوں پر انتخاب لڑ رہی ہے۔بی جے پی نے 124 سیٹیں شیوسینا کو دی ہیں، جب کہ 14 سیٹوں پر این ڈی اے کے اتحادی جماعتوں نے اپنے امیدوار میدان میں اتارے ہیں۔مہاراشٹر اسمبلی انتخابات کے لیے 21 اکتوبرکوپولنگ ہونی ہے۔اسمبلی انتخابات کے نتائج ہریانہ کے ساتھ ہی 24 اکتوبر کو اعلان کیا جائے گا۔