مدھیہ پردیش سیلاب: کئی اضلاع میں الرٹ جاری، اسکول بند، خالی کرائے گئے علاقے
بھوپال،9ستمبر(ایس او نیوز/آئی این ایس انڈیا)مدھیہ پردیش کے کئی علاقوں میں مسلسل بارش سے ہاہاکار مچا ہے۔کئی علاقوں میں سیلاب کے حالات بن گئے ہیں۔گھر پانی میں ڈوب گئے ہیں تو لوگوں کو ریسکیو کرانے کا کام تیزی سے چل رہا ہے۔بھوپال میں اتوار کو ایک ڈیڑھ سال کے بچے سمیت دو لوگوں کی موت ہو گئی،بارش کی صورت حال کو دیکھتے ہوئے بھوپال، شمسی، سیون سمیت تمام اضلاع میں اسکولوں کی چھٹی کر دی گئی ہے،عام زندگی درہم برہم ہو گئی،جبکہ کچھ وقت کے لئے بھوپال اور اندور اور بھوپال اور ساگر کے درمیان سڑک ٹریفک متاثر ہو گیا تھا۔مسلسل بھاری بارش کی وجہ سے ضلع کلکٹر بھوپال ترون پتھوڈے نے پیر کو تمام اسکولوں کو بند رکھنے کی ہدایات دی ہیں۔ڈی ایم نے کہا کہ تمام سرکاری، نجی، سی بی ایس ای اور آئی سی اسکول پیر کو بند رہیں گے،اس کے علاوہ دیگر اضلاع میں بھی الرٹ جاری کیا گیا ہے۔پولیس نے بتایا کہ اتوار کو پریمپرا گھاٹ کے قریب ایک نوجوان اوپری جھیل میں بہہ گیا، پانی میں تیز بہاؤ اور سیاہ کی وجہ سے نوجوان کو نہیں تلاش کیا جا سکا۔وہیں ایک بچی انوشکا کی لاش پانی میں برآمد کی گئی۔ایس ایچ او کھجری ایلڈی مشرا نے کہا کہ چائے کی دکان چلانے والے پرکاش کی بیٹی انوشکا فندا علاقے میں رہتی تھی،وہ اپنی بڑی بہن پوجا (10) کے ساتھ ایک کنارے پر کھڑی تھی تبھی اس کا پاؤں پھسل گیا اور وہ پانی میں بہہ گئی۔