’پدم شری تو مل گیا، لیکن پی ایم مودی پختہ گھر دینے کا وعدہ بھول گئے‘، 84 سالہ جودھیا بائی نے بیان کی اپنی تکلیف

Source: S.O. News Service | Published on 30th January 2023, 11:00 AM | ملکی خبریں |

بھوپال، 30؍جنوری (ایس او نیوز؍ایجنسی ) مدھیہ پردیش کے لورہا گاؤں میں رہنے والی 84 سالہ جودھیا بائی لوگوں کے درمیان ‘اماں’ نام سے مشہور ہیں۔ انھیں پدم شری کا ایوارڈ ملا ہے، لیکن پھر بھی وہ مایوس نظر آ رہی ہیں۔ ان کا کہنا ہے کہ پی ایم نریندر مودی اور وزیر اعلیٰ شیوراج سنگھ چوہان نے پختہ گھر دینے کا وعدہ کیا تھا جو کہ ابھی تک وفا نہیں ہوا۔

واضح رہے کہ جودھیا بائی مزدور سے پینٹر بنی ہیں اور اپنے ہنر کے لیے وہ کئی بار اخبارات کی سرخیاں بن چکی ہیں۔ جودھیا بائی عرف اماں شہرت کے باوجود آج بھی مٹی اور ابرک سے بنے گھر میں رہتی ہیں۔ ‘ٹی وی 9 ہندی ڈاٹ کام’ پر شائع ایک رپورٹ کے مطابق اماں کا کہنا ہے کہ ”ہاتھ جوڑ کر میں نے وزیر اعظم نریندر مودی اور وزیر اعلیٰ شیوراج سنگھ چوہان سے ایک پختہ گھر دینے کو کہا تھا۔ 10 ماہ قبل گھر دیے جانے کا وعدہ بھی کیا گیا تھا۔ یہ تب کی بات ہے جب انھیں ‘ناری شکتی’ ایوارڈ دیا گیا تھا اور تقریب کا انعقاد دہلی میں ہوا تھا۔” وہ مزید کہتی ہیں ”میں نے پی ایم مودی کو گلے لگایا اور اپنا درد ان کے سامنے بیان کیا اور بتایا کہ میرے پاس پختہ گھر نہیں ہے۔ اس کے بعد انھوں نے مجھ سے وعدہ کیا کہ وہ مجھے گھر دیں گے۔” اماں کا کہنا ہے کہ وعدہ کیے جانے کے بعد سے ہی انھوں نے امریا گاؤں کے سرکاری دفتر کے کئی چکر لگائے، یہاں تک کہ بھوپال بھی گئیں لیکن کچھ فائدہ نہیں ہوا۔

واضح رہے کہ جودھیا بائی ملک کی ان 91 شخصیات میں شامل ہیں جنھیں پدم شری ایوارڈ سے نوازا گیا ہے۔ پدم شری ہندوستان کا چوتھے نمبر کا سب سے بڑا شہری ایوارڈ ہے۔ قابل ذکر بات یہ ہے کہ جودھیا بائی کے دو بیٹے ہیں جو مزدوری کا کام کرتے ہیں اور انھیں پی ایم رہائش منصوبہ کے تحت گھر مل چکے ہیں۔ دونوں بیٹوں کا گھر ماں کے قریب میں ہی بنا ہوا ہے۔

بہرحال، جودھیا بائی معاملے پر سینئر پنچایت افسر کے کے ریکوار کا کہنا ہے کہ ان کا نام پی ایم رہائش منصوبہ سے مستفید ہونے والوں کی فہرست میں نہیں تھا، جبکہ ان کے بیٹوں کا نام اس فہرست میں شامل تھا۔ یہی وجہ ہے کہ بیٹوں کو پی ایم رہائش منصوبہ کا فائدہ دیا گیا۔ حالانکہ افسر نے یہ بھی بتایا کہ جودھیا بائی کو سبسیڈی والی ایل پی جی گیس اور پنشن منصوبہ کا فائدہ دیا جا رہا ہے۔ جہاں تک پی ایم رہائش منصوبہ کا سوال ہے تو، اس سلسلے میں ریاستی حکومت کو فیصلہ لینا ہوگا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...