مدھو بنگارپا کی کانگریس میں باضابطہ شمولیت، شیموگہ میں کانگریس کی گرفت مضبوط کرنے میں بڑی کامیابی

Source: S.O. News Service | Published on 31st July 2021, 11:42 AM | ریاستی خبریں | ان خبروں کو پڑھنا مت بھولئے |

بنگلورو، 31؍جولائی(ایس او  نیوز)سابق وزیر اعلیٰ آنجہانی ایس بنگارپا کے چھوٹے فرزند مدھو بنگارپا نے جمعہ کے روز جنتا دل (ایس) چھوڑ کر باضابطہ کانگریس میں شمولیت اختیار کرلی۔ہبلی میں اے آئی سی سی جنرل سکریٹری رندیپ سرجے والا، سابق وزیر اعلیٰ سدارامیا، کے پی سی سی صدر ڈی کے شیو کمار اور دیگر سرکردہ کانگریس قائدین کی موجود گی میں مدھو نے کانگریس کا پرچم تھام کر پارٹی میں شامل ہو نے کا اعلان کیا۔ہبلی کے گوکل گراؤنڈ میں منعقدہ پروگرام میں مدھو بنگارپا کا کانگریس قائدین نے پارٹی میں استقبال کیا۔ مدھو نے مارچ کے دوران ہی کانگریس میں شامل ہونے کا اعلان کردیا تھا لیکن کورونا وائرس سے پیدا شدہ بحران کے سبب ان کی شمولیت کے جلسہ کو موخر کردیا گیا تھا۔ مدھو بنگارپا نے اپنے والد بنگارپا کے اسمبلی حلقہ سورب میں اپنے بڑے بھائی کمار بنگارپا کو 2013کے اسمبلی انتخاب میں ہر ا کر جے ڈی ایس سے کامیابی حاصل کی۔ 2018کے اسمبلی انتخاب میں کمار بنگارپا نے مدھو کو ہرا دیا۔2019کے لوک سبھا انتخابات میں بی جے پی کے امید وار بی وائی راگھویندرا نے مدھو بنگارپا کو شکست دی اس کے بعد سے مدھو نے جے ڈی ایس کی سرگرمیوں سے اپنے آپ کو دور کر لیا تھا اب وہ کانگریس میں شامل ہو چکے ہیں۔ سیاسی حلقوں میں یہ مانا جا رہا ہے کہ مدھو بنگارپا کی کانگریس میں شمولیت سے جے ڈی ایس کو شیموگہ میں زبردست دھکا پہنچا ہے جبکہ آنے والے دنوں میں کانگریس کو اس ضلع میں اپنی گرفت مضبوط کرنے میں کافی مدد ملے گی۔ ضلع میں مدھو بنگارپا کی کانگریس میں شمولیت او ر بھداروتی کے سابق رکن اسمبلی اپا جی گوڑا کی موت کے سبب اس ضلع میں جے ڈی ایس کا وجود اب اس قدر مضبوط نہیں رہا۔مدھو بنگارپا کے کانگریس میں شامل ہو جانے سے سورب اسمبلی حلقہ کا سیاسی منظر نامہ بدل سکتا ہے کیونکہ اب تک بنگارپا خاندان کے وہ وفادار جو خود کو بی جے پی اور جے ڈی ایس سے دور رکھے ہوئے تھے کھل کر مدھو بنگارپا کی حمایت میں سامنے آئیں گے۔

ایک نظر اس پر بھی

منگلورو: وزیر اعلیٰ بومئی کو دھمکی دینے کا شاخسانہ - ہندو مہا سبھا لیڈر دھرمیندرا گرفتار

آل انڈیا ہندو مہا سبھا کے لیڈر دھرمیندرا  کی جانب سے  کل منگلورو کے ایک ہوٹل میں منعقدہ پریس کانفرنس کے دوران گاندھی جی کی طرح وزیر اعلیٰ بسوا راج بومئی کو بھی قتل کرنے کی دھمکی دینے کے بعد آج پولیس نے دھرمیندرا  کو گرفتار کر لیا  ہے۔

کرناٹک:مسلمانوں کو 2Bریزرویشن سے محروم کرنے کی منظم کوشش،سرکاری بھرتی کے نوٹی فکیشنوں سے 2Bزمرہ ندارد

کرناٹک میں سرکاری ملازمتوں کیلئے بھرتی اور تعلیمی اداروں میں ہونے والے داخلوں میں مسلمانوں کو 2Bزمرے کے تحت مخصوص ریزرویشن حاصل ہے لیکن ایسا لگتا ہے کہ ریاست کی موجودہ بی جے پی حکومت اس ریزرویشن کو ختم کرنے کی کوشش کر رہی ہے اسی لئے سرکاری بھرتی کیلئے جاری ہونے والے نوٹی ...

مینگلور: ہندو مہاسبھا لیڈر کی اخباری کانفرنس میں وزیر اعلیٰ بومئی کو جان سے مارنے کی دھمکی، بی جے پی پر اقلیتوں کی خوشامد کرنے کا الزام

میسور وضلع کے ننجن گڑھ میں ضلعی انتظامیہ کی طرف سے چند مندروں کے انہدام کے معاملہ میں ریاستی حکومت کو نشانہ بناتے ہوئے شدت پسند ہندوتنظیم ہندو مہاسبھا کے ریاستی جنرل سکریٹری دھرمیندرا نے وزیر اعلیٰ بسوراج بومئی کو جان سے ماردینے کی دھمکی دی ہے۔

روہنگیاؤں کو ملک بدر کرنے واضح ہدایات جاری نہیں کی گئیں۔ ریاستی اسمبلی میں 3بلوں کو منظوری،ڈاکٹروں کوقیدیوں سے بلڈ ڈی این اے سیمپل لینے کا اختیار

ریاسی وزیرداخلہ ارگیانیندر نے کہا کہ مرکزی حکومت نے ابھی تک ملک کے مختلف حصوں میں آباد روہنگیاؤں کو ملک بدر کرنے کے بارے میں واضح ہدایات جاری نہیں کی ہیں۔

ریاست میں جیل جاکرآنے والے کوپہلی باروزیرداخلہ بنایاگیاہے: وزیر داخلہ ارگاگیانیندرا

سزائے قیدکاٹتے ہوئے جیل کی ہواکھانے والے اس سے پہلے کبھی وزیرداخلہ کے عہدہ تک رسائی حاصل نہیں کرسکے،میں 21سزائے جیل کاٹتے ہوئے رہائی حاصل کیاہوں،اس کامطلب یہ نہیں ہے کہ میں کریمنل ہوں،کسی کریمنل کام کی وجہ سے میں جیل نہیں گیاہوں۔ایمرجنسی کے موقع پرمیں جیل گیاتھا،اس لیے سزائے ...

بھٹکل : بی جے پی حکومت نے ہندووں کے جذبات کو ٹھیس پہنچائی ہے :  منکال وئیدیا

میسورو میں مندر کو مہندم کرنے پر پوری ریاست میں ہندوتوا وادیوں نے  خاص طور پر ایک ہنگامہ کھڑا کررکھا ہے اور بی جے پی حکومت پر تنقید، دھمکی اور احتجاجات کا سلسلہ چل پڑا ہے ۔ اسی پس منظر میں بھٹکل کے سابق ایم ایل اے منکال وئیدیا نے بھی تبصرہ کرتے ہوئے کہا ہے کہ بی جے پی حکومت نے ...

افغانستان: تین زوردار دھماکوں سے دہل گیا جلال آباد، 3 ہلاک، درجنوں زخمی

افغانستان کے جلال آباد میں تین زوردار بم دھماکوں کی خبریں موصول ہو رہی ہیں۔ مقامی میڈیا کے مطابق پی ڈی 13 علاقے میں ایک امپروائزڈ ایکسپلوسیو ڈیوائس (آئی ای ڈی) بلاسٹ ہوا ہے جس کی زد میں آنے سے کم از کم 19 لوگ زخمی ہوئے ہیں۔

بھٹکل سمندر کنارے سے ایک خاتون سمیت دو کی نعشیں برآمد؛ خودکشی کا شبہ

  بھٹکل تعلقہ کے ہاڈین  سمندر کنارےواقع چٹان پر سے دو لوگوں کی نعشیں برآمد ہوئی ہیں جس کے تعلق سے پولس کو شبہ ہے کہ ان دونوں نے خودکشی کی ہوگی۔ مہلوک میں  ایک خاتون ہے۔  نعشوں کو پوسٹ مارٹم کے لئے بھٹکل سرکاری اسپتال منتقل کیا گیا ہے۔

بنگلورومیں دل دہلانے والاواقعہ 9مہینے کے معصوم کوقتل کرکے چارافرادنے خودکشی کرلی

بنگلورومیں ایک انتہائی دل دہلانے والے واقعہ میں 9مہینے کے معصوم بچہ کوموت نیندسلاکر4افراد انتہائی قدم اٹھاتے ہوئے خودکشی  کرگئے۔کہاجارہاہے کہ گھریلوناچاقی اورجھگڑے کی وجہ سے مقامی اخبار کے مدیراوران کے کنبہ نے خودکشی کرلی ہے۔