جموں و کشمیر: 'ہماری سڑک' اور 'تعمیر ترقی' موبائل ایپس کا لیفٹیننٹ گورنر نے کیا آغاز

Source: S.O. News Service | Published on 7th April 2021, 5:43 PM | ملکی خبریں |

جموں،7؍اپریل (ایس او نیوز؍ایجنسی) جموں و کشمیر کے لیفٹیننٹ گورنر منوج سنہا نے ای گورننس ڈھانچے کو مضبوط بنانے اور نظام میں شفافیت لانے کی طرف ایک بڑے قدم کے طور پر 'جے کے پبلک ورکس – آن لائن مینجمنٹ، مانیٹرنگ اور اکاونٹنگ سسٹم' کے علاوہ محکمہ پبلک ورکس (آر اینڈ بی) کے دو ایپس 'ہماری سڑک' اور 'تعمیر ترقی' کا آغاز کیا ہے۔

سینٹر فار ڈیولپمنٹ آف ایڈوانسڈ کمپیوٹنگ (سی ڈی اے سی) اور جے اینڈ کے ای گورننس ایجنسی آئی ٹی ڈیپارٹمنٹ کے ذریعے تیار کیے گئے ان ایپس سے جی آئی ایس بہتر انفراسٹریکچر منیجمنٹ سسٹم، جیو ٹریکنگ سڑکیں، انفراسٹریکچر کی آن لائن تلاش، جی آئی ایس معلومات میں نئے انفراسٹریکچر کا اضافہ، اوپن اسٹریٹ میپ کے ساتھ ڈرا روڈ اور انفراسٹریکچر کی متحرک اپڈیٹ کے ساتھ بنیادی ڈھانچے کی مکمل آن لائن مینجمنٹ اور مانیٹرنگ میں آسانی ہوگی۔

ان ایپس سے انسانی وسائل کی سرگرمیوں یعنی مکمل آٹو میشن کو بہتر بنانے کے ساتھ ساتھ ملازمین کی آن لائن تفصیلات، آن لائن سنیارٹی لسٹ، آن لائن اے پی آر، نئے ملازم کی شمولیت کے علاوہ ملازمین کی معلومات کی آن لائن اپ ڈیٹ فراہم ہوگی۔ لیفٹیننٹ گورنر نے محکمہ کے مجموعی کام میں شفافیت بڑھانے اور جن بھاگیہ داری کی عوامی ڈومین میں معلومات کے لئے پروجیکٹ کے عمل کا ایک لازمی حصہ بنانے پر محکمہ پبلک ورکس (آر اینڈ بی) کو آن لائن پورٹل اور موبائیل ایپس تیار کرنے پر مبارکباد دی۔

انہوں نے کہا کہ آن لائن اقدامات کا مقصد نئی شکایات کی آن لائن رجسٹریشن، شکایات کاپتہ لگانا، آن لائین مانیٹرنگ اور رئیل ٹائم شکایات رپورٹ جیسی اہم خصوصیات کا احاطہ کرتے ہوئے شکایات مینجمنٹ سسٹم کو زیادہ مضبوط اور جوابدہ بنانا ہے۔ لیفٹیننٹ گورنرنے کہا کہ اب لوگ 'ہماری سڑک' ایپ کے ذریعے محکمہ پی ڈبلیو (آر اینڈ بی) سے متعلق اپنی شکایات کو رجسٹر کر سکتے ہیں اور ان سے متعلق جانکاری حاصل کر سکتے ہیں، جبکہ 'تعمیر ترقی' ایپ فیلڈ عملے کے ذریعے پروجیکٹ کی حثیت کو متحرک اپ ڈیٹ کر کے پروجیکٹ کی موثر نگرانی کو یقینی بنائے گی۔

انہوں نے مزید کہا کہ کوئی بھی شخص بٹن کے کلک سے مکمل اور جاری منصوبوں کی تفصیلات حاصل کر سکتا ہے۔ اس سے قبل محکمہ پبلک ورکس (آر اینڈ بی) کے پرنسپل سیکرٹری شلیندر کمار نے لفٹینٹ گورنر کو جے کے پبلک ورکس – آن لائین منیجمنٹ، مانیٹرنگ اینڈ اکائونٹنگ سسٹم کے بارے میں بریفنگ دی۔ دریں اثنا لفٹینٹ گورنر نے شری امر ناتھ جی یاترا کے راستوں پر محکمہ پی ڈبلیو (آر اینڈ بی) کے ذریعے چلائے جانے والے کاموں کی پیش رفت کا بھی جائیزہ لیا اور ان کی تکمیل کے لئے سخت ہدایات جاری کیں تاکہ تمام خدمات یاترا شروع ہونے سے پہلے بحال کی جا سکیں۔

ایک نظر اس پر بھی

شعبہ اردوجامعہ ملیہ اسلامیہ کی جانب سے ممتاز ادیب و شعرا سلطان اختر، انجم عثمانی، مشرف عالم ذوقی، مناظر عاشق ہرگانوی اور سید نورالہدیٰ کے سانحہ ارتحال پر تعزیتی جلسے کا انعقاد

شعبہ اردوجامعہ ملیہ اسلامیہ کی جانب سے عظیم آباد پٹنہ میں مقیم بزرگ و ممتاز شاعر سلطان اختر، عہد حاضر کے معروف فکشن نگار اور صحافی انجم عثمانی، دور حاضر کے ممتاز ناول نگار اور بے باک صحافی مشرف عالم ذوقی، کثیرالتصانیف مصنف پروفیسر مناظر عاشق ہرگانوی اور اردو میں تاریخی، ...

فضول ہے یہ بحث کہ لاک ڈاؤن کب لگنا چاہئے! حالات انتہائی خراب

سمجھ نہیں آ رہا کہ کورونا وباکو روکنے کے لئے کس بات کو مانا جائے اور کس کو نہیں! کبھی اس وبا کو روکنے کے لئے لاک ڈاؤن اتنا ضروری ہو جاتا ہے کہ اگر ملک میں چند سو کیسز بھی ہوں تو لاک ڈاؤن نافذ کر دیا جاتا ہے اور اس بات کا بھی خیال نہیں کیا جاتا کہ مہاجر مزدوروں کا کیا حال ہوگا؟ ان ...

دہلی میں لاک ڈاؤن کے اعلان کے بعد مہاجر مزدوروں میں ایک بار پھر افراتفری ، وزیر اعلیٰ اروند کیجریوال کی عوام سے اپیل ، کہا ؛ دہلی چھوڑ کر نہ جائیں ، یہ لاک ڈاؤن مختصر وقفے کیلئے ہے

دہلی میں لاک ڈاؤن کا اعلان ہوتے ہی ایک بار پھر دہلی کے مہا جر مزدوروں کو وہ پرانے دن یاد آگئے جب گزشتہ سال اچانک ملک بھر میں لاک ڈاؤن لگا دیا گیا تھا۔

حکومت ٹیکہ بنانے والی کمپنیوں کو 4500 کروڑ روپئے پیشگی دے گی ، ٹیکوں کا پروڈکشن بڑھانے اور ٹیکہ کاری کو رفتار دینے کیلئے اہم فیصلہ ، وزیر اعظم کی کمپنیوں کے ذمہ داروں سے میٹنگ

مودی حکومت نے کورونا کے سبب ملک میں پھیلی ابتری پر اب سنجیدگی کا مظاہرہ کرتے ہوۓ ٹیکہ بنانے والی کمپنیوں سے ان کا پروڈکشن بڑھانے کی اپیل کی ہے۔ ساتھ ہی اس معاملے میں 45 سوکروڑ روپئے  پیشگی  کے طور پرادا کرنے کا فیصلہ کیا ہے تا کہ یہ کمپنیاں اپنے ٹیکوں کے پروڈکشن میں اضافہ ...

مہاراشٹر میں مکمل لاک ڈاؤن کی دستک ، نئی پابندیاں ، دکانیں صبح 7 سے 11 بجے تک ہی کھلی رہی گی

مہاراشٹر میں جنتا کرفیو کے نفاذ کے ایک ہفتہ بعد بھی حالات میں سدھار نہ آنے اور کورونا کے نئے معاملات میں مسلسل اضافے کو دیکھتے ہوئے ریاست میں مکمل لاک ڈاؤن کی دستک سنائی دینے لگی ہے جس کے تعلق سے وزیراعلیٰ اُ دھوٹھا کرے بدھ کو حتمی  اعلان کر سکتے ہیں۔ لاک ڈاؤن کے امکان کو تقویت ...

ہندوستان میں گزشتہ 24 گھنٹوں کے دوران 259170 نئے کورونا کے معاملے، ایک دن میں سب سے زیادہ اموات

 کورونا وائرس کے معاملوں میں اضافہ کا سلسلہ لگاتار جاری ہے۔ مرکزی وزارت صحت کی طرف سے جاری اعدادوشمار کے مطابق منگل کے روز ملک میں ایک بار پھر ڈھائی لاکھ سے زیادہ کیسز کی تصدیق کی گئی۔ یہ لگاتار چوتھا دن ہے جب ملک میں ڈھائی لاکھ سے زہادہ کیسز کی تصدیق کی گئی۔