پنجی،یکم اپریل (ایس او نیوز؍آئی این ایس انڈیا) وزیر اعظم نریندر مودی اور دہلی کے وزیر اعلی اروند کیجریوال لوک سبھا انتخابات کے لئے اگلے ہفتے گوا میں جلسہ عام سے خطاب کریں گے۔بی جے پی کے ریاستی صدر ونے تندولکر نے پیر کو بتایا کہ مودی 12 اپریل کو جلسہ عام سے خطاب کریں گے۔انہوں نے کہاکہ جلسہ عام کا مقام ابھی طے نہیں ہے لیکن یہ شمالی گوا لوک سبھا حلقہ میں ہوگا۔دریں اثنا آپ کے ریاست کنوینر ایلوس گومس نے بتایا کہ عام آدمی پارٹی کے سربراہ کیجریوال جنوبی گوا حلقہ میں 13 اپریل کو ایک ریلی سے خطاب کریں گے۔گوا میں لوک سبھا انتخابات اور تین اسمبلی سیٹوں مندریم، شروڈا اور مہاپسا پر ضمنی انتخابات کے لئے 23 اپریل کوووٹنگ ہونی ہے۔بی جے پی نے موجودہ ممبران پارلیمنٹ شریپد نائیک کو شمالی گوا اور نریندر سوائکر کو جنوبی گوا سے میدان میں اتارا ہے۔دونوں امیدوار پرچہ نامزدگی داخل کر چکے ہیں۔وہیں آپ نے گومس کو جنوبی گوا اور پردیپ پڈگاؤنکر کو شمالی گوا سے ٹکٹ دیا ہے۔