بھٹکل: شرالی نیشنل ہائی وے پر لاری ہوئی بے قابو؛ کھائی میں جاتے ہوئے دیوار سے جا ٹکرائی : کوئی جانی نقصان نہیں

Source: S.O. News Service | By Abu Aisha | Published on 23rd August 2019, 6:59 PM | ساحلی خبریں |

بھٹکل:23؍اگست   (ایس اؤ نیوز) یہاں شرالی کے وینکٹاپور بریج کے قریب ایک لاری بے قابو ہوکر کھائی میں اُترتے ہوئے سیدھے ایک گھر کے کمپاونڈ کی دیوار سے ٹکرانے کے ساتھ ایک بجلی کے کھمبے سے بھی ٹکراگئی جس کے نتیجے میں دیوار گرگئی  اور الیکٹرک کھمبا ٹوٹنے کے ساتھ تمام وائرس بھی  ٹوٹ  کر بکھر گئے،  ٹکر میں  لاری کو بھی  شدید نقصان پہنچا ہے، البتہ لاری ڈرائیور   اور کلینر معمولی زخموں کے ساتھ محفوظ  رہ گئے۔

بتایا گیا ہے کہ لاری منگلورو میں تمام سامان خالی کرنے کے بعد واپس  ہبلی جارہی تھی ، شرالی ہائی وے پر اس کا   توازن کھو گیا۔ جمعہ کی دوپہر کو یہ حادثہ  پیش آیا ۔

دیوار سے ٹکرانے کی وجہ سے   لاری ڈرائیور کا کیبن کا حصہ پوری طرح چکنا چور ہوگیا ہے۔ البتہ خیریت رہی کہ الیکٹرک کھمبے سے ٹکراتے ہی بجلی   سپلائی ٹریپ ہوکر بند ہوگئی، ورنہ حادثہ جان لیوا ثابت ہوسکتا تھا۔ ڈرائیور عمران خان (38) کا تعلق ہبلی سے بتایا گیا ہے۔ جسے  مقامی لوگوں نے  لاری سے نکال کر فوری سرکاری اسپتال پہنچایا۔

حادثے کے بعد جائے وقوع پر لوگوں کا ہجوم نظر آیا۔  معاملے کو لےکر کوئی کیس درج نہیں ہوا ہے، البتہ پولس  کے اہلکار جائےوقوع پر موجود تھے۔

 

ایک نظر اس پر بھی

بارش کے بعد بھٹکل کی قومی شاہراہ : گڑھوں کا دربار، سواریوں کے لئے پریشانی؛ گڑھوں سے بچنے کی کوشش میں حادثات کے خدشات

لوگ فورلین قومی شاہراہ  کی تعمیر کو لے کر  خوشی میں جھومتے رہے لیکن تعمیر نہیں ہونےکی وجہ سے قومی شاہراہ کے گڑھوں میں گرتے پڑتے گزرنے کے حالات پیدا ہوگئے ہیں۔

بھٹکل کُندا جزیرہ کے قریب بوٹ ڈوب گئی؛ پانچ ماہی گیروں کو بچالیا گیا

بحرعرب کے کُندا جزیرہ کے قریب ایک ماہی گیری بوٹ ڈوب جانے سے لاکھوں مالیت کا نقصان ہوا ہے، البتہ بوٹ پر سوار پانچوں ماہی گیروں کو ایک دوسری بوٹ کی مدد سے بچالیا گیا ہے۔ واردات اتوار کی شام کو پیش آئی ہے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...