بھٹکل میں لاری اور جے سی بی کے درمیان ٹکر؛ راہ چلتی خاتون شدید زخمی
بھٹکل 23 ستمبر (ایس او نیوز) تعلقہ کے شرالی نیشنل ہائی وے پر ایک جے سی بی اور لاری کے درمیان ہوئی ٹکر میں راہ چلتی خاتون شدید زخمی ہوگئی جسے بھٹکل سرکاری اسپتال میں ابتدائی طبی امداد کے بعد کنداپور لےجایا گیا ہے۔
زخمی خاتون کی شناخت شرالی کے الوے کوڑی علاقہ کی رہنے والی سُجاتا موگیر کی حیثیت سے کی گئی ہے۔
بتایا گیا ہے کہ ٹکر لگتے ہی جے سی بی بے قابو ہوگئی اور اس کا ایک حصہ سڑک کنارے چل رہی ایک خاتون سے ٹکراگیا، جس کی وجہ سے خاتون زخمی ہوگئی۔
بھٹکل مضافاتی پولس تھانہ میں اس تعلق سے معاملہ درج کیا گیا ہے۔