’یہ سب سے چھوٹا عمل ہے جو ایک شہری اس تاریک وقت میں کر سکتا ہے‘، صدیق کپن کی ضامن بننے والی روپ ریکھا ورما کا بیان

Source: S.O. News Service | Published on 21st September 2022, 8:49 PM | ملکی خبریں |

لکھنؤ، 21؍ستمبر (ایس او نیوز؍ایجنسی) لکھنؤ یونیورسٹی کی سابق وائس چانسلر روپ ریکھا ورما نے جیل میں بند کیرالہ کے صحافی صدیق کپن کی ضامن بن کر لوگوں کے سامنے ایک بہترین مثال پیش کی ہے، اور اب وہ سرخیوں میں ہیں۔ 79 سالہ روپ ریکھا ورما حالانکہ اپنے اس عمل کو بہت زیادہ بڑا نہیں ٹھہرا رہی ہیں۔ انھوں نے نیوز پورٹل ’دی نیوز منٹس ڈاٹ کام‘ سے بات کرتے ہوئے کہا کہ ’’میں کپن کی کوئی بڑی مدد نہیں کر رہی۔ اسے اب بھی اپنا مقدمہ لڑنا ہے۔ اگر ایک شخص کی ضمانت کے لیے کھڑے ہونے کو جرأت کے طور پر دیکھا جا رہا ہے تو کیا ہم ایک خوفناک دور میں نہیں جی رہے؟‘‘ ساتھ ہی انھوں نے کہا کہ ’’یہ سب سے چھوٹا عمل ہے جو ایک شہری اس تاریک وقت میں کر سکتا ہے۔‘‘

دراصل صدیق کپن کو گزشتہ 9 ستمبر کو ہی ضمانت مل گئی تھی۔ اس کے باوجود ان کی رِہائی کا راستہ ہموار نہیں ہو پا رہا تھا کیونکہ ضمانت کی شرط کے لیے اتر پردیش کے 2 باشندے بطور ضامن درکار تھے، اور یوگی حکومت میں کوئی بھی اس کے لیے کھڑا نہیں دکھائی دے رہا تھا۔ یہی وجہ ہے کہ روپ ریکھا ورما کے عمل کو لوگ ’جرأت‘ ٹھہرا رہے ہیں اور ان کی تعریف کر رہے ہیں۔ ویسے روپ ریکھا ورما نے ’ٹائمز آف انڈیا‘ سے بات کرتے ہوئے یہ ضرور کہا ہے کہ ’’میں صدیق کپن معاملے کے بارے میں پوری طرح تو نہیں جانتی، لیکن ایسا لگتا ہے کہ کچھ بولنا سنگین جرم ہو گیا ہے۔ وہ ہاتھرس میں ایک مجرمانہ واقعہ کی رپورٹنگ کے لیے جا رہے تھے، لیکن صحافی کو گرفتار کر لیا گیا اور اچانک سے ان پر سخت یو اے پی اے، منی لانڈرنگ کی دفعات لگا دی گئیں۔ پھر ان پر الزام لگا دیا گیا کہ ان کا کسی متنازعہ تنظیم کے ساتھ تعلق ہے۔ ایک کے بعد ایک اس طرح کی کارروائی میرے جیسے شہری کے دماغ میں یہ اندیشہ پیدا کرتے ہیں اور یہ محسوس ہوتا ہے کہ کپن کے خلاف کارروائی ’متاثر‘ ہے۔‘‘

صدیق کپن کے ضامن بننے سے متعلق اپنے فیصلے پر روپ ریکھا ورما واضح لفظوں میں کہتی ہیں کہ ’’میں غلط ہو سکتی ہوں، اگر کپن کو عدالت کے ذریعہ قصوروار پایا جاتا ہے۔ لیکن ابھی کے لیے کپن کو ان کی ضمانت کے حق سے محروم نہیں کیا جا سکتا ہے۔‘‘ یہاں قابل ذکر ہے کہ روپ ریکھا ورما نے صرف کپن معاملے میں ہی جرأت کا مظاہرہ نہیں کیا ہے، بلکہ انھوں نے بلقیس بانو معاملے میں 11 قصورواروں کی رِہائی کے فیصلے کو بھی چیلنج کیا ہے۔ اب تو ان کی کئی ایسی ویڈیوز سوشل میڈیا پر وائرل ہو رہی ہیں جن میں وہ شہری حقوق اور اس کے لیے کھڑے ہونے کی بات کرتی ہوئی دکھائی دے رہی ہیں۔

قابل ذکر ہے کہ صدیق کپن کے لیے دو ضامن کھڑے ہونے کے بعد بھی انھیں لکھنؤ جیل سے فوری طور پر رِہائی نہیں مل پائے گی۔ ایسا اس لیے کیونکہ لکھنؤ کی سیشن کورٹ نے ایک دیگر معاملے میں کیرالہ کے صحافی کو ضمانت دینے سے منع کر دیا تھا۔ یہ معاملہ انفورسمنٹ ڈائریکٹوریٹ کے ذریعہ پریونشن آف منی لانڈرنگ ایکٹ (پی ایم ایل اے) کے تحت درج کیا گیا تھا۔

ایک نظر اس پر بھی

کہاں غائب ہو گئے نوٹ بندی کے بعد چھاپے گئے 9.21 لاکھ کروڑ روپے، آر بی آئی کے پاس بھی تفصیل موجود نہیں!

مرکز کی مودی حکومت نے بلیک منی پر قدغن لگانے کے مقصد سے 2016 میں نوٹ بندی ضرور کی، لیکن اس مقصد میں کامیابی قطعاً ملتی ہوئی نظر نہیں آ رہی ہے۔ اپوزیشن پارٹیوں نے نوٹ بندی کے وقت بھی مرکز کے اس فیصلے پر سوالیہ نشان لگایا تھا،

ہندوستان میں 10 سالوں کے دوران شرح پیدائش میں 20 فیصد کی گراوٹ، رپورٹ میں انکشاف

 پچھلے 10 سالوں میں ہندوستان میں عام زرخیزی کی شرح (جی ایف آر) میں 20 فیصد کی کمی درج کی گئی ہے۔ اس کا انکشاف حال ہی میں جاری کردہ سیمپل رجسٹریشن سسٹم (ایس آر ایس) ڈیٹا 2020 میں ہوا ہے۔ جی ایف آر سے مراد 15-49 سال کی عمر کے گروپ میں ایک سال میں فی 1000 خواتین پر پیدا ہونے والے بچوں کی تعداد ...

الیکشن کمیشن نے تین برسوں میں جموں و کشمیر کی 7 سیاسی جماعتوں کو رجسٹر کیا

الیکشن کمیشن آف انڈیا (ای سی آئی) نے گزشتہ تین برسوں کے دوران جموں و کشمیر کی7 سیاسی جماعتوں کو رجسٹر کیا ہے جن میں کچھ غیر معروف جماعتیں بھی شامل ہیں۔ ای سی آئی ریکارڈس کے مطابق کمیشن نے سال 2019 سے تمام ضروری لوازمات کی ادائیگی کے بعد جموں و کشمیر کی 7 سیاسی جماعتوں کو رجسٹر ...

بامبے ہائی کورٹ سے گوشت کے اشتہارات پر پابندی کی درخواست خارج

بامبے ہائی کورٹ نے ٹی وی اور اخبارات میں نان ویجیٹیرین کھانے کے اشتہارات پر پابندی لگانے کی درخواست خارج کر دی ہے، چیف جسٹس دیپانکر دتہ اور جسٹس مادھو جمدار نے پیر کو جین چیریٹیبل ٹرسٹ کی عرضی کو یہ کہتے ہوئے خارج کر دیا کہ عدالت صرف اس صورت میں مداخلت کر سکتی ہے جب شہریوں کے ...

پی ایف آئی پر پھر چھاپے، شاہین باغ میں دبش، جامعہ میں دفعہ 144 نافذ

نیشنل انویسٹی گیشن ایجنسی (این آئی اے) سے ملی لیڈ کی بنیاد پر، 8 ریاستوں کی پولیس نے آج یعنی منگل کو ملک بھر میں پاپولر فرنٹ آف انڈیا (پی ایف آئی) کے کئی مقامات پر چھاپے مارے۔ نیوز پورٹل ’آج تک‘ پر شائع خبر کے مطابق اسے دوسرے راؤنڈ کا چھاپہ بتایا جا رہا ہے۔