کاروار18؍اپریل (ایس او نیوز) پارلیمانی انتخاب میں امیدواروں کی جانب سے تشہیری مہم پر کیے جارہے خرچ پر الیکشن کمیشن کی طرف سے تعینات نگران اپنی نظر بنائے ہوئے ہیں۔ 

جہاں تک ضلع شمالی کینر ا کا معاملہ ہے ،اس کے تعلق سے ضلع الیکشن کمیشن کے ذرائع کا کہنا ہے کہ جے ڈی ایس اور کانگریس کے مشترکہ امیدوار آنند اسنوٹیکرنے ضابطہ اخلاق لاگو ہونے کے بعدکیے جانے والے انتخابی اخراجات میں اپنے مدمقابل بی جے پی امیدوار اننت کمار ہیگڈے کو پیچھے چھوڑ دیا ہے ۔ آنند اسنوٹیکر نے 12اپریل تک14.42لاکھ روپے خرچ کیے ہیں۔جبکہ اننت کمار ہیگڈے کا خرچ 4.64لاکھ روپے بتایا گیا ہے ۔بقیہ آزا د امیدواروں کے بارے میں کہا جاتا ہے کہ ان کے اخراجات لاکھ روپے کی حد سے بھی آگے نہیں بڑھے ہیں۔

خیال رہے کہ الیکشن کمیشن کی طرف سے ایک امیدوار کے لئے انتخابی اخراجات کی حد 70لاکھ روپے مقرر کی گئی ہے۔

یاد رہے کہ ضلع شمالی کینرا میں  23/اپریل کو انتخابات ہوں گے۔