لوک سبھا انتخابات: اُترکنڑا بی جے پی اُمیدوار اننت کمار ہیگڈے نے دوبارہ داخل کیے کاغذات نامزدگی ۔ تازہ کاغذات میں شامل ہے فوجداری مقدمات کی تفصیل
کاروار 4؍اپریل (ایس او نیوز) ضلع شمالی کینراکی سیٹ کے لئے بی جے پی کے امیدوار اننت کمار ہیگڈے نے منگل کے دن الیکشن آفیسر کے پاس اپنا پرچہ نامزدگی داخل کیاتھامگر اس میں کچھ ضروری معلومات موجود نہ ہونے کی وجہ سے الیکشن آفیسر نے اس کی توجہ دلائی تو بدھ کے دن اننت کمار ہیگڈے نے دوبارہ کاغذات نامزدگی داخل کیے۔ اس موقع پر ان کی اہلیہ شریروپا ان کے ساتھ تھی۔
معلوم ہوا ہے کہ پہلے داخل کیے گئے کاغذات میں اننت کمار ہیگڈے پر داخل فوجداری مقدمات اور ان کی آمدنی کے ذرائع کے تعلق سے تفصیلات موجود نہیں تھیں۔دوبارہ داخل کردہ پرچہ نامزدگی میں درج کی گئی تفصیل کے مطابق ضلع شمالی کینرا میں اننت کمار پر دو فوجدار ی مقدمات عدالت میں زیر سماعت ہیں۔