لوک سبھا انتخابات کے نتائج؛ ملک میں پھر ایک بار مودی سرکار؛ کانگریس اور اسکی حلیف جماعتوں کو شرمناک شکست کا سامنا

Source: S.O. News Service | By I.G. Bhatkali | Published on 23rd May 2019, 10:48 AM | ریاستی خبریں | ملکی خبریں |

بھٹکل 23/مئی (ایس او نیوز)  لوک سبھا انتخابات کی 542 سیٹوں کے لئے  ووٹوں کی گنتی جاری ہے اور اب تک سامنےآئے رجحانات میں بی جے پی اور اس کی حلیف این  ڈی اے  کو زبردست جیت حاصل ہورہی ہے اس کے ساتھ ہی  پھر ایک بار مودی سرکار کا  اقتدار میں آنا طئے ہے۔ کانگریس اور اس کی حلیف جماعتیں اس قدر پیچھے ہیں کہ گذشتہ انتخابات کے مقابلے میں بھی اس بار نہایت کمزور مظاہرہ پیش کیا ہے۔

دوپہر دو بجے تک سبھی 542 سیٹوں کے  رجحانات سامنے آچکے  ہیں جس میں بی جے پی واحد پارٹی کو  292 سیٹوں پر سبقت حاصل ہے، بی جے پی اور ان کی حلیف پارٹیوں کی بات کریں تو  این ڈی اے 350 سیٹوں پر آگے چل رہی تھی جبکہ  کانگریس  اس الیکشن میں شرمناک شکست کے قریب تھی اور صرف 51 سیٹوں پر سمیٹتی نظر آرہی تھی۔ کانگریس اور اس کی حلیف پارٹیوں یو پی اے کی بات کریں تو  انہیں صرف 84 سیٹوں پر سبقت حاصل تھی۔

کرناٹک کی 28 سیٹوں پر  نظر دوڑائیں تو  بی جے پی 24 میں آگے چل رہی تھی ، کانگریس کو دو  اور جے ڈی ایس   اور آزاد ایک ایک میں آگے چل رہے تھے۔

اُترکنڑا میں بی جے پی کے آننت کمار ہیگڈے نے تین لاکھ سے زائد ووٹوں سے چھٹی کامیابی درج کرلی ہے، البتہ الیکشن کمشنر کی طرف سے باضابطہ اعلان ابھی نہیں کیا گیا ہے، اسی طرح پڑوسی ضلع   اُڈپی اور دکشن کنڑا میں بھی  بالترتیب  بی جے پی کی شوبھا کرندلاجے اور  نلین کمار کٹیل بھی انتخاب جیت چکے ہیں، صرف اعلان کیا جانا باقی ہے۔

سمجھا جارہا تھا  کہ اُترپردیش میں  سماج وادی پارٹی اور بہوجن سماج پارٹی   کا مہا گٹھ بندھن بننے کے بعد   یہاں بی جے پی کو شکست کا منہ دیکھنا پڑے گا، مگر  حیرت انگیز طور پر یہاں  بی جے پی اور اس کی حلیف  این ڈی اے نے یہاں بھی بھاری اکثریت حاصل کرنے میں کامیاب ہوگئے ، میڈیا رپورٹوں کے مطابق  بی جے  پی اور اس کی حلیف پارٹیاں یہاں  59 سیٹوں پر آگے چل رہی ہیں اور اکثر سیٹوں پر جیت درج بھی کرچکے ہیں، جبکہ مہا گٹھن بندھن   صرف  20 پر اور کانگریس  ایک سیٹ   پر آگے چل رہی ہیں۔

بہار میں بھی این ڈی اے 38 اور یو پی اے صرف 2 سیٹوں پر آگے چل رہی تھی، تعجب کی بات یہ ہے کہ یہاں کے بیگوسرائے میں  کنہیا کمار بھی  ہار رہے تھے  جبکہ ان کے مقابلے میں بی جے پی کے گری راج سنگھ ایک لاکھ ووٹوں کے فرق سے آگے چل رہے تھے۔

مغربی بنگال میں ترنمول کانگریس  نے بھلے ہی 25 سیٹوں پر آگے چل رہی تھی   مگر  یہاں بھی بی جےپی کافی سیٹیں اپنے قبضے میں کرنے میں کامیاب ہوگئی ہیں اور 16 سیٹوں پر قابض ہونے کے آثار نظر آرہے  ہیں۔ بنگال میں  کانگریس کو  صرف  ایک سیٹ پر کامیابی مل سکتی ہے۔

بی جے پی نے  سات ریاستوں میں کلین سویپ  حاصل کرتے ہوئے سبھی سیٹوں پرقابض ہونے میں کامیاب ہوگئی ہیں۔ جن میں  دہلی، گجرات، اتراکھنڈ ، چنڈی گڑھ، ارونا چل پردیش اور  راجستھان شامل ہیں جہاں  کسی بھی دوسری پارٹی کو کھاتہ کھولنے کا بھی موقع نہیں ملا ہے۔

اسی طرح بی جےپی  تمل ناڈو، کیرالہ اور اندھراپردیش میں اپنا کھاتہ نہیں کھول پائی ہے اور بری طرح شکست سے دوچار ہوگئی ہے۔

ادھر کانگریس رہنما سونیا گاندھی  ایک طرف رائے بریلی میں اپنی ہی سیٹ بچانے میں ناکام ہورہی ہیں  تو امیٹھی میں راہول گاندھی بھی اپنا انتخاب ہاررہے ہیں، البتہ کیرالہ کے وائناڈ میں راہول گاندھی کے جیتنے کی  توقع ہے۔  کلبرگی میں کانگریس کے اہم قائد ملیکارجن کھرگے اور بیدر میں کانگریس کے ایشور کھنڈرے انتخابات ہار چکے ہیں، اسی طرح  ہاویری میں بی جے پی کے شیو کمار اُداسی،  میسور میں  پرتاپ سنہا ، سدانند گوڈا ، بی این بچّے گوڈا جیت درج کرچکے ہیں۔

وزیراعظم نریندر مودی وارانسی میں شاندار جیت درج کررہے ہیں تو وہیں گجرات کے   گاندھی نگر میں  امت شاہ چار لاکھ ووٹوں سے آگے چل رہے ہیں۔

منڈیا میں آزاد اُمیدوار سوما لتا امبریش اور جےڈی ایس اُمیدوار نکھل  کماراسوامی کے درمیان کانٹے کی ٹکر دیکھی جارہی تھی، اور نکھل آگے چل رہے تھے  مگردوپہر ہونے تک پھانسہ پلٹ گیا ہے اور سوما لتا امبریش ایک لاکھ ووٹوں کے فرق سے آگے نکل گئی ہیں۔

ٹمکور میں سابق وزیراعظم ایچ ڈی دیوے گوڈا 20 ہزار ووٹوں سے پیچھے چل رہے تھے اور بی جے پی کے بی ایس بسوراج کے جیتنے کے آثار تھے۔بنگلور  سینٹرل میں کانگریس کے رضوان ارشد اور بی جے پی کے پی سی موہن کے درمیان کانٹے کی ٹکر دیکھی جارہی تھی اور رضوان ارشد 25 ہزار ووٹوں سے آگے چل رہے تھے، مگر تازہ خبر یہ ہے کہ  اب بی جے پی کے مقابلے میں رضوان ارشد آٹھ ہزار ووٹوں سے  پیچھے چل رہے ہیں۔

تعجب کی بات یہ بھی ہے کہ دہشت گردی کے الزام میں ضمانت پر رہا ہونے والی  سادھوی پرگیہ سنگھ ٹھاکر بھی بھوپال میں  جیت کے قریب تھی اور وہ مدھیہ پردیش کے سابق وزیراعلیٰ دگ وجئے سنگھ سے ہزاروں ووٹوں سے آگے چل رہی تھی، اس موقع پر سادھوی نے اپنی جیت کو  دھرم کی جیت قرار دیا ہے۔

لکھنو میں بی جے پی کے راجناتھ سنگھ نے شاندار جیت درج کرلی ہے، اسی طرح گرداسپور سے  بی جے پی اُمیدوار  سنی دیول  اور مشرقی دہلی سے  مشہور کرکٹر گوتم گھمبیربھی جیت درج کررہے ہیں۔

بتایا جارہا ہے کہ  بی جے پی نے اس بار 55 خواتین کو میدان میں اُتارا تھا جس میں 34 خواتین جیت درج کر  رہی ہیں۔

دوپہر تک آنےوالے رجحانات سے یہ صاف ہوگیا ہے کہ پھر ایک بار ملک میں مودی سرکار اقتدار سنبھالے گی ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...