”لاک ڈاؤن“ کی ہدایت کی خلاف ورزی کرنے والوں کے خلاف قانونی کارروائی کی جائے گی؛ میسورو ڈپٹی کمشنر ابھی رام جی شنکر کی وارننگ

Source: S.O. News Service | Published on 24th March 2020, 5:35 PM | ریاستی خبریں |

میسورو،24؍مارچ (ایس او نیوز) میسورو ضلع کے ڈپٹی کمشنر کے دفتر میں منعقدہ پریس کانفرنس میں ڈپٹی کمشنر ابھی رام جی شنکر، نے بتایا کہ سارے عالم کے ساتھ ساتھ میسور ضلع میں دن بدن تیزی سے پھیلنے والے مہلک کورونا وائرس سے عوام کو محفوظ رکھنے کے لئے ضلع انتظامیہ کی جانب سے جاری ہدایت کے باوجود چند افراد اس پر سنجیدگی کے ساتھ عمل نہیں کررہے ہیں۔

لیکن میسورو ضلع انتظامیہ اور میسورو کی پولیس اس لاپروائی کو اتنی آسانی کے ساتھ نہیں لے گی بلکہ ان ہدایات کی خلاف ورزی کرنے والوں کے خلاف قانونی کاررروائی کی جائے گی۔ اور غیر ضمانتی مقدمات دائر کرکے انہیں جیل بھیج دیا جائے گا۔

میسورو ضلع کے ڈپٹی کمشنر ابھی رام جی شنکر، میسور کے پولیس کمشنر ڈاکٹر چندر گپتا اور میسورو ضلع کے سپر نٹنڈنٹ آف پولیس سی بی رشیانت نے اعلان کیا کہ آئی پی سی کی دفعہ 270کے تحت ہدایت کی خلاف ورزی کے خلاف غیر ضمانتی مقدمات دائر کرکے انہیں جیل بھیج دیا جائے گا۔جس پر دو سال کی سزا، یا جرمانہ عائد ہوسکتا ہے یا پھر سزا اور جرمانہ دونوں ادا کرنا پڑے گا۔

میسورو کی پولیس ”لاک ڈاؤن“کی ہدایت کو سختی کے ساتھ لاگو کرے گی۔ سخت ہدایت کے باوجود عوام معمول کی طرح شہر میسورو کی مختلف سڑکوں پر گھوم پھر رہے ہیں، میسور کی پولیس مائک کے ذریعہ عوام کو آگاہ کررہی ہے اور بے ضرورت گھروں سے باہر نہ نکلنے کی سخت تاکید کررہی ہے۔ صرف گھروں میں رہ کر ہی اس مہلک کورونا وائرس کو مزید پھیلنے سے روکا جاسکتا ہے۔

میسورو ضلع انتظامیہ اور میسورو پولیس کی جانب سے جاری کردہ ہدایت پر اگر صرف دو ہفتے عمل کریں گے تو حالات بہت جلد معمول کی طرف لوٹ آئیں گے۔

ڈپٹی کمشنر نے مزید بتایا کہ صرف ضروری اشیاء کی خرید و فرخت کے لئے اجازت دی گئی ہے۔ اب ہوٹلوں سے پارسل لے جانے کی سہولت کو بھی بند کردیا گیا ہے عوام اس کا غلط استعمال کررہے ہیں اور ہوٹلوں سے پارسل لے کرہوٹلوں کے باہر کھانا کھا رہے ہیں۔ اس لئے ہم نے میسورو ضلع کے تمام ہوٹلوں کے مالکوں کو سخت ہدایت دی ہے کہ وہ پارسل بھی فروخت نہ کریں۔

پریس کانفرنس میں میسورو کے پولیس کمشنر ڈاکٹر چندر گپتا اور میسورو ضلع کے سپر نٹنڈنٹ سی بی رشیانت بھی موجود تھے۔

ایک نظر اس پر بھی

ضروری سامان کی خریداری کیلئے پیدل ہی جائیں۔ بومئی

دو پہیہ کی گاڑی سواروں کے خلاف پولیس کی طرف سے کی جا رہی کارروائیوں اور خاص طورپر گاڑیوں کے ضبط کئے جانے کے معاملہ کا دفاع کرتے ہوئے ریاستی وزیرداخلہ بسوراج بومئی نے کہا ہے کہ پولیس کی طرف سے قوت کا استعمال اسی وقت کیا جاتا ہے جب صورت حال ان کے قابو سے باہر ہو جاتی ہے۔

نظام الدین کے اجتماع میں شریک حضرات جانچ کروالیں: اقلیتی بہبود کے سکریٹر اے بی ابراہیم کی اپیل

ریاستی محکمہ اقلیتی بہبود کے سکریٹر اے بی ابراہیم نے اپنے ایک اخباری بیان میں تبلیغی مرکز نظام الدین کے اجتماع میں مارچ کے دوران شرکت کرنے الوں سے اپیل کی ہے کہ وہ اپنے ضلع یا تعلقہ میں محکمہ صحت سے رابطہ کر کے اپنی جانچ کروالیں۔

 کوروناوائرس وباء:بھٹکل میں تیا ر ہورہے ہیں طبی عملے کے لئے ’حفاظتی کٹس؛ لاک ڈاون کے دوران بھی جاری ہے کام

پورے ملک میں کورونا وائرس وباء پھیلنے کی وجہ سے لاک ڈاؤن کیا گیا ہے، جس کے وجہ سے بہت سارے کارخانے اور کمپنیاں بندکردی گئی ہیں اور اس سے مزدوروں کو معاشی مشکلات کاشکار ہونا پڑرہا ہے۔لیکن بھٹکل میں ایک کارخانہ ایسا ہے جہاں لاک ڈاؤن کے دوران بھی مسلسل کام چل رہا ہے۔

کرناٹک سے درجنوں افراد نے مرکز نظام الدین کے اجتماع میں شرکت کی؛ کورونا سے ایک کی موت، باقی کی نشاندہی کر کے کورانٹائن، 13/ افراد میں وائرس نہ ہونے کی تصدیق

دہلی کے مرکز نظام الدین میں 10/ مارچ کو ہوئے اجتماع میں شریک افراد میں سے 24 کے کورونا وائرس کا شکار ہوجانے اور ان میں سے6/افراد کی موت کی خبروں کے بعد اس مرکز کے اجتماع میں شرکت کے بعد اپنے اپنے مقامات پر لوٹنے والے افراد کی نشاندہی کر کے انہیں کورانٹائن کرنے کا سلسلہ شروع ہوا ہے۔