شادی،تقریبات کیلئے اجازت لینا ضروری حکومت کی طرف سے نئی ہدایات جاری
بنگلورو، 16؍ مئی (ایس او نیوز) ریاستی حکومت نے کورونا روک تھام کے تعلق سے نئے رہنما اصول جاری کئے ہیں۔ شادی بیاہ ، دیگر تقریبا کیلئے حکومت سے اجازت لینا لازمی ہے۔اس بارے میں محکمہ صحت و خاندانی بہبود کے کمشنر نے اعلامیہ جاری کیا ہے۔ 17 ؍ نکاتی رہنما اصولوں میں کہا گیا ہے کہ شادی بیاہ و تقریبا کیلئے مقامی سطح کے افسران سے اجازت لینا ضروری ہے۔ شادی میں 50 سےزائد افرادشریک نہیں ہوسکتے ۔ پاک و صاف اور منظّم ماحول میں تقریب منعقد کرنا ہوگا، ایر کنڈیشنر ممنوع رہے گا، تحدی خطوںکنٹینمنٹ زون کے افراد کو شرکت کی اجازت نہیں۔ ان پروگراموں میں 60 سال سے زائد اور 10 سال سے کم عمر کے افراد اور حاملہ خواتین کو شرکت کی اجازت نہیں رہے گی۔ پروگرام کی جگہ کے داخلے اور جگہ سینیٹائزر کا انتظام رہنا چاہئے۔ تمام لوگوں کو ماسک پہننا اور تھرمل اسکریننگ کرانا لازمی ۔ ایک شخص اور دوسرے شخص کے درمیان کم از کم ایک میٹر کا فاصلہ برقرار رکھنا۔ واش روم میں پانی ، صابن اور ہینڈ واش رکھنا۔ شراب ، پان ، سگریٹ پینے کی اجازت نہیں۔ ادھر اُدھر تھوکنا منع رہے گا۔ تھرمل اسکریننگ کے وقت بخار، سردی، سانس کی تکلیف کا پتہ لگا تو ایسے افراد کو پروگرام میں شرکت کی اجازت نہیں رہے گی۔ شادی میں شرکت کرنے والوں کو پیشگی طور پر اپنا نام ، پتہ ، فون نمبر افسران کو فراہم کرنا ہوگا۔ تمام کو آروگیا سیتو موبائل ایپ ڈاؤن لوڈ کرنا ہوگا۔