غیر قانو نی قبضہ جات کی انہدامی کارروائی روک دی گئی، بی بی ایم پی افسروں پر امتیاز برتنے مقامی افراد کا الزام

Source: S.O. News Service | Published on 21st September 2022, 12:08 PM | ریاستی خبریں |

بنگلورو، 21؍ستمبر(ایس او  نیوز) مہادیو پورہ زون میں راج کا لوے پر غیر قانونی قبضہ جات ہٹانے کی کارروائی کا دوبارہ آغاز ہوا تاہم بروہت بنگلور مہا نگر پالیکے(بی بی ایم پی) افسران پر امتیاز برتنے کا مقامی افراد کی جانب سے الزام لگائیے جانے کے بعدکل کارروائی درمیان میں ہی روک دی گئی۔

اطلاع کے مطابق بی بی ایم پی حدود کے صرف مہا دیو پورہ زون میں قبضہ جات ہٹانے کی کارروائی کا آغاز کیا گیا، جس کے تحت صرف5منٹ پر قبضہ ہٹا دیا گیا۔ مقامی افراد نے الزام لگایاہے کہ غریبوں کے شیڈ،چھوٹے کارخانے،پاولٹری فارم،کمپا ؤنڈ، گیٹ وغیرہ منہدم کیاجارہا ہے جبکہ وپرو اور سالار پوریا کی جانب سے غیر قانونی قبضہ جات کی جگہ کی مارکنگ کے باوجود انہدامی کارروائی نہیں کی گئی جبکہ عام افراد کو خود انہدامی کارروائی کئے لئے وقت نہ دیتے ہو ئے منہدم کیا گیا۔

بتا یا جا تا ہے کہ وپرو کی جگہ کے خلاف کارووائی کے دوران انجینئروں کو فون کال آنے کے بعد جے سی بی ہٹائے گئے اور اس کے قریب شیڈ اور خالی جگہ پر کارروائی کی کوشش کی۔ اس پر مقامی افراد نے سخت مخالفت کی اور افسروں کے ساتھ لفظی جھڑپ کی۔بتا یا جا تا ہے کہ پو لیس کی مدد سے پاولٹری فارم اور دیگر شیڈس کو منہدم کیا گیا۔ اس موقع پر بڑی کمپنیوں کے قبضہ جات پہلے ہٹانے کے مطالبہ کے بعد کارروائی کو روک دیا گیا۔

اطلاع کے مطابق مارتہلی پو لیس تھانے کے عقب میں کاڑوبیسنہلی واٹر بورڈ کی واٹر پروسسنگ یونٹ(این ٹی پی) کے راج کالولے پر تعمیر آر سی سی پل،گروڈا چار پالیہ تالاب کے قریب اپارٹمنٹ کمپا ؤنڈ،ایسٹ پارک روڈ کے عقب میں راج کا لوے پر مو جود شیڈ،روڈ، گرین روڈ ریسی ڈینسی کے احاطے میں راج کالوے کی دونوں جانب نصب150میٹر حصہ،،کاڑ گوڑی وجئے لکشمی کالونی راج کالوے کی دونوں جانب75میٹر لمبا کمپا ؤنڈ اور دو شیڈس کو ہٹا یا گیا۔ اس دوران راج کالوے پر موجود10گھروں میں سے 8مکانوں کو نوٹس جاری کی گئی۔ رین بو لے آؤٹ اسو سی ایشن نے ہالنا ٹکنالوجی تالاب سے ساو لا کیرے رابط کار راج کا لوے پر غیر قانونی قبضہ ہٹا کر تعمیر رین بو لے آؤٹ میں راج کا لوے کی صفائی کر تے ہو ئے نالہ کو چوڑا کرنے کا فیصلہ کیا ہے۔

ایک نظر اس پر بھی

صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔

ذہنی دباؤ بیسویں صدی کا ایک مہلک مرض؛ آئیٹا گلبرگہ کے ورک شاپ سے ڈاکٹر عرفان مہا گا وی کا خطاب

نئے دور کی شدید ترین بیماریوں میں ذہنی دباؤ اور اس سے پیدا ہونے والے اثرات کو مہلک امراض میں شمار کیا جاتا ہے ۔ روز مرہ کی مشینی زندگی میں ذہنی دباؤ  میں بہت زیادہ اضافہ ہوا ہے ۔ لیکن اس کو کیسے کم کیا جائے اس پر غور کر نے اور اس سلسلے میں کوشش کرنے کی ضرورت ہے ۔

پی ایف آئی پر ای ڈی اور این آئی اے کے کریک ڈاون کے بعد ایس ڈی پی آئی نے کہا؛ ایجنسیوں نے کبھی بھی آر ایس ایس اور اس سے منسلک تنظیموں پر چھاپہ نہیں مارا

 سوشیل ڈیموکریٹک پارٹی آف انڈیا (SDPI) کرناٹک یونٹ نے بنگلور میں اپنے ریاستی مرکزی دفتر میں ایک پریس کانفرنس کا انعقاد کرتے ہوئے الزام لگایا کہ ای ڈی اور این آئی اے نے کبھی بھی آر ایس ایس اور اس سے منسلک تنظیموں پر چھاپہ نہیں مارا بلکہ صرف پاپولرفرنٹ آف انڈیا کو ہی نشانہ بنایا ...