منگلورو انٹرنیشنل ایئر پورٹ پر بندوق کی زندہ گولیوں کے ساتھ مسافر ہواگرفتار

Source: S.O. News Service | By Shahid Mukhtesar | Published on 31st July 2019, 7:39 PM | ساحلی خبریں | ان خبروں کو پڑھنا مت بھولئے |

منگلورو31/جولائی(ایس او نیوز) منگلورو انٹر نیشنل ہوائی اڈے سے ممبئی کے لئے روانہ ہونے کے لئے پہنچے ہوئے ایک مسافر کے بیگیج میں بندوق کی تین زندہ گولیاں دستیاب ہوئیں جس کے بعد اسے گرفتار کرلیا گیا۔

موصولہ رپورٹ کے مطابق ملزم سنجیو ڈی شیٹی انڈیگو ایئر لائن کی فلائٹ 6E 295 کے ذریعے ممبئی کے لئے روانہ ہونے والا تھا۔ سیکیوریٹی چیک کے دوران سی آئی ایس ایف کے سب انسپکٹر سونم گپتا کو اس کی بیگیج میں زندہ گولیوں کا پتہ چلا۔ ابتدائی پوچھ تاچھ سے معلوم ہوا کہ سنجیو شیٹی کے پاس اسلحہ رکھنے کا کوئی لائسنس نہیں ہے اور بندوق کی گولیاں لے جانے کا کوئی اجازت نامہ بھی اس کے پاس نہیں ہے۔

بیوریو آف سول ایوی ایشن سیکیوریٹی(بی سی اے ایس) کے رہنما اصولوں کے مطابق گرفتار کیے گئے مسافر اور ضبط شدہ اسلحہ اگلی قانونی کارروائی کے لئے مقامی پولیس کے حوالے کیا گیا۔

ایک نظر اس پر بھی

ہوناور میں راہ گیر پر چیتے کاحملہ : ہمت وحوصلے نے بچائی جان

ہوناور  تعلقہ کے کڈلے کاجو باغ میں رہ چلتے ایک دیہی فرد پر چیتا نے حملہ کردیا لیکن متعلقہ شخص نے چیتے سے لڑتے ہوئے اپنی جان بچانے میں کامیاب ہوگیا۔  متعلقہ شخص کی شناخت  وینکٹ رمن تمنا ہیگڈے کی حیثیت سے کی گئی ہے، واقعہ جمعہ کی شام کو پیش آیا۔

اُڈپی کے کارکلا میں بھیانک سڑک حادثہ؛ بس سڑک کنارے پہاڑی چٹان سے ٹکراگئی؛ نو ہلاک، 24 زخمی؛ کیسے ہوا تھا حادثہ ؟

ضلع کے کارکلا میں ایک سیاحوں سے بھری پرائیویٹ بس سڑک حادثے کا شکار ہوگئی جس میں نو افراد  ہلاک ہوگئے جبکہ 24 افراد زخمی ہوئے ہیں جن میں شدید زخمی ہونے والوں کو منی پال اسپتال اور دیگر کو کارکلا سرکاری اسپتال میں داخل کیا گیا ہے۔حادثہ سنیچر کی شام 5:35 بجے پیش آیا۔

مرڈیشور کیریکٹے پرائمری اسکول کے چار کمروں کوخالی کرنے ضلع پنچایت سی ای اؤ کا حکم

مرڈیشور کے روڈ کنارے واقع کیریکٹے ہائر پرائمری اسکول عمارت کے 4کمروں کو خالی کرنے اترکنڑا ضلع پنچایت کے سی ای اؤ محمد روشن نے حکم جاری کیا ہے۔ بتایا گیا ہے کہ متعلقہ اسکول کی عمارت کےکمرے خستہ حالی کا شکار ہیں   اور کبھی بھی نیچے گرسکتے ہیں۔ اسکول طلبا کے تحفظ کے پیش نظر اس ...

پنجاب میں  پولیس ہیڈ کانسٹیبل نے بیوی سمیت 5 لوگوں پر چلائی گولی، 4 کی موت 

پنجاب پولیس کے ہیڈ کانسٹیبل نے گاؤں جلال پور میں گھریلو تنازعہ کے باعث اتوار کی صبح قریب 6 بجے بیوی اور 3 سسرال والوں (ساس اور سالے کی بیوی) کا گولی مار کر قتل کر دیا۔ واقعہ میں سالے کی 10 سال کی بچی بھی زخمی ہے۔ دراصل ہفتے کی شام ملزم کانسٹیبل کو سسرال میں تنازعہ ہوا تھا۔ اس کے بعد ...

 آئی اے ایس آفیسر منیش موڈگل کا تبادلہ

آئی اے ایس عہدیدار منیش موڈگل جنہیں مرکزی حکومت نے گزشتہ ہفتہ ای گورننس کے لیے قومی ایوارڈ عطا کیا تھا، کا کمشنر سروے ، سیٹلمنٹ اور لینڈ ریکارڈس کے عہدہ سے تبادلہ کردیا گیا ۔ منیش کو اب محکمہ پر سونل اور انتظامی اصلاحات کا سکریٹری مقرر کیا گیا۔ کے وی تری لوک چندر جو پہلے ...

سنگرور: اسکول وین میں آگ لگنے سے حادثہ، معصوم بچے زندہ جلے، 4 کی موت

 پنجاب میں ضلع سنگرور کے لونگوال قصبہ میں سنیچر کی دوپہر ایک اسکول وین میں اچانک آگ لگنے سے اس میں سوار چار معصوم بچے زندہ جل گئے، دیگر آٹھ بچوں کو وین میں سے نکال لیا گیا جن میں سے 3 کی حالت نازک بتائی جا رہی ہے۔