موڈبیدری میں بجلی گرنے سے ایک بزرگ خاتون ہلاک
موڈبیدری18/اکتوبر (ایس او نیوز) جمعرات شام کو ہوئی زبردست برسات کے دوران موڈبیدری میں بجلی گرنے سے ایک بزرگ خاتون ہلاک ہونے کی اطلاع موصول ہوئی ہے۔
بتایاجاتا ہے کہ اجّی بیٹو نامی مقام پر اَپُو شیٹی کی اہلیہ اَپّی شیڈتی (80 سال) کل شام تیز برسات کے وقت اپنے گھر کے ورانڈے پر اپنی بیٹی کی ساتھ بیٹھی ہوئی تھی۔ اس وقت جب زور سے بجلی کڑکی تو اس کا اثر گھر کی دیوار پر ہوا اور دیکھتے ہی دیکھتے بجلی کا جھٹکا لگنے سے اپّی شیڈتی زمین پر گر گئی۔ فوری طور پر اسے علاج کے لئے اسپتال میں منتقل کرنے کی کوشش کی گئی مگر اس نے دوران سفر ہی دم توڑ دیا۔
اس حادثے کی اطلاع ملنے پر موڈبیدری تحصیلدار انیتا لکشمی، انچارج ریوینیو انسپکٹر شرینواس، ولیج اکاؤنٹنٹ بھَویا، میونسپل کاونسلر جوسّی منیجس، پولیس سب انسپکتر دیوپّا وغیرہ نے متاثرہ مقام پر پہنچ کر معائنہ کیا۔