بھٹکل سمیت ساحلی کرناٹکا میں بے موسم مگر ہلکی بارش؛ کچھ کسانوں کو خوشی تو بعض کو پریشانی

Source: S.O. News Service | By I.G. Bhatkali | Published on 21st February 2021, 8:49 PM | ساحلی خبریں | ان خبروں کو پڑھنا مت بھولئے |

بھٹکل 21 فروری (ایس او نیوز) بھٹکل سمیت ساحلی کرناٹکا میں  گذشتہ دو تین دنوں سے ہلکی ہلکی بارش  سے بعض کسانوں کے چہروں پر خوشی دیکھی جارہی ہے تو وہیں بعض کسان پریشان بھی ہیں۔  ہلکی بارش کی وجہ سے مونگ پھلی، ناریل اور اس طرح کی دیگر فصل اُگانے والوں کے چہروں پر خوشی دیکھی جارہی ہے کیونکہ اسی ماہ  ان فصلوں کے لئے پانی کی سینچائی کرنی ہوتی ہے۔ البتہ اس موسم میں آم کے درختوں میں پھول لگنے شروع ہوتے ہیں اور ایسے میں اگر  بارش ہوتی  ہے تو  آم کی فصلوں  کو نقصان پہنچنے کا خدشہ ہے، ایک کسان نے بتایا کہ بھٹکل میں جو ہلکی بارش ہوئی ہے، اُس سے فصلوں کو کسی طرح کا نقصان ہونے  کا اندیشہ  نہیں ہے، البتہ   اُڈپی،کنداپور اور کمٹہ وغیرہ علاقوں میں آج اتوار کو  خاصی اچھی  بارش ہوئی ہے جس سے  ا س طرح کی فصلوں کو نقصان پہنچ سکتا ہے۔

سُپاری کے ایک کسان نے بتایا کہ  جن کسانوں نے سپاری توڑ کر سکھانے کے لئے رکھی تھی  ، بارش سے  اُن سپاریوں کو نقصان  پہنچ سکتا ہے، البتہ جن لوگوں نے ابھی سپاری توڑی نہیں ہے، اُن سپاریوں کو  کوئی نقصان نہیں ہوگا۔ 

بھٹکل میں آج صبح سے ہی آسمان ابرآلود رہا اور ٹھندی ٹھنڈی  ہواوں کے چلنے سے  بارش کے آثار نظر آنے لگے ، لیکن  دوپہر کو بھٹکل میں   ہلکی ہلکی بارش ہوئی، البتہ دوسرے بعض علاقوں میں طوفانی ہواوں کے ساتھ  خوب اچھی بارش ہونے کی بھی اطلاعات ملی ہیں۔

خیال رہے کہ  ساحلی کرناٹکا میں  جون سے بارش شروع ہوکر اکتوبر کو بارش اختتام کو پہنچتی ہے، مگر  گذ شتہ کچھ سالوں سے  موسم کا حال بدلا ہوا لگ رہا ہے اور اچانک کسی بھی ماہ بارش ہوجاتی ہے۔ بے موسم کی  بارش سے  کسانوں کو فصل اُگانے میں دشواری پیش آرہی ہے اور وہ سمجھ نہیں پارہے ہیں کہ  آخر ایسے موسم میں کونسی فصل اُگائیں ؟

ایک نظر اس پر بھی

منگلورو: ’ایک ملک ، ایک الیکشن ‘بحث کا موضوع ہی نہیں : سابق وزیر یوٹی قادر کا بیان

’ایک ملک ، ایک الیکشن ‘بحث کا موضوع ہی نہیں ہے، دراصل اس کے پیچھے دستور کی اصل منشاء کو تبدیل کرنے کا مقصد ہے، اس بات کا الزام  سابق وزیر یو ٹی قادر نے لگایا۔ پریس کانفرنس سے خطاب کرتے  ہوئےکہا انہوں نے کہا کہ ملک بھر کے  عوام پریشان ہیں، بحث کے لئے بے شمار عوامی مسائل ہیں ، ...

اترکنڑا ضلع میں کووڈ انجکشن کی تقسیم کاری منظم انداز میں جاری :ڈپٹی کمشنر نے کہا؛ نڈر ہوکر عوام انجکشن لگائیں

ریاست میں سب سے زیادہ عوام کو کووڈ انجکشن لگانےوالے ٹاپ 5اضلاع میں سے ایک اترکنڑا ضلع بھی ہے۔ ضلع میں پہلےمرحلےمیں 84فی صد، دوسرے مرحلےمیں 73.60فی صد عوام کو انجکشن لگائے جانے کی جانکاری اترکنڑا ضلع ڈپٹی کمشنر مُلّئے مُگِلن نےدی۔

بھٹکل میں جن اوشدھی پروگرام : اسسٹنٹ کمشنر نے کہا؛ سرکاری دوائیوں کے متعلق عوام اپنا رویہ بدلیں

بھٹکل منی ودھان سودھا میں  بھٹکل ہوناور تعلقہ جات جن اوشدھی مرکز مالکان محاذ کے اشتراک سے تیسرے سال کا یوم ِ جن اوشدھی پروگرام کا انعقاد بھٹکل کے کارگزار اسسٹنٹ کمشنر ساجدملا کی صدارت میں منعقد ہوا۔

ملاپورم لوک سبھا ضمنی الیکشن: ڈاکٹر تسلیم احمد رحمانی ایس ڈی پی آئی امیدوار

سوشیل ڈیموکریٹک پارٹی آف انڈیا  (ایس ڈی پی آئی) کے قومی جنرل سکریٹری الیاس محمد تمبے نے ملاپورم میں  منعقدہ ایک پریس کانفرنس میں اعلان کیا کہ ایس ڈی پی آئی قومی سکریٹری ڈاکٹر تسلیم احمد رحمانی ملاپورم لوک سبھا حلقہ سے الیکشن لڑیں گے۔

بھٹکل میں جن اوشدھی پروگرام : اسسٹنٹ کمشنر نے کہا؛ سرکاری دوائیوں کے متعلق عوام اپنا رویہ بدلیں

بھٹکل منی ودھان سودھا میں  بھٹکل ہوناور تعلقہ جات جن اوشدھی مرکز مالکان محاذ کے اشتراک سے تیسرے سال کا یوم ِ جن اوشدھی پروگرام کا انعقاد بھٹکل کے کارگزار اسسٹنٹ کمشنر ساجدملا کی صدارت میں منعقد ہوا۔

منڈیا میں پارک لاری سے تیز رفتار کار کی ٹکر؛ موقع پر ہی چار کی موت

سڑک کنارے پارک کی ہوئی لاری سے تیزرفتار کار کی ٹکر سے کار پر سوار چار لوگوں کی موقع پر ہی موت واقع ہوگئی۔ حادثہ سنیچر کی اولین ساعتوں میں منڈیا ضلع کے مدّور تعلقہ کے کوپّا سرکل کے قریب  بنگلور۔میسور نیشنل ہائی وے پر پیش آیا۔

ممتا بنرجی نندی گرام سے انتخاب لڑیں گی، 42 مسلم امیدواروں کو ٹکٹ دیا

مغربی بنگال اسمبلی انتخابات کے لئے امیدواروں کے ناموں کا اعلان کرتے ہوئے ، وزیر اعلی ممتا بنرجی نےاعلان کیا کہ وہ اپنی روایتی اسمبلی حلقے سے انتخاب نہیں لڑیں گی بلکہ نندی گرام سے انتخاب لڑیں گی اور بھوانی پور سے ریاستی وزیر برقیات شوبھن دیب چٹرجی انتخاب لڑیں گے-