اعلیٰ مصری حکام کا برسوں بعد ليبيا کا دورہ، مقصد کيا ہے؟

Source: S.O. News Service | Published on 28th December 2020, 7:33 PM | عالمی خبریں |

طرابلس ،28دسمبر (آئی این ایس انڈیا) مصری سفارت کاروں اور انٹلیجنس حکام کے ایک اعلیٰ سطحی وفد نے شورش زدہ ملک لیبیا کا دورہ کیا ہے۔ مصری حکام کا يہ طرابلس کا چھ سال بعد پہلا دورہ ہے۔

لیبیا کی بین الاقوامی تسلیم شدہ حکومت (جی این اے) کو ترکی کی جانب سے مسلسل حمایت اور خطے میں عدم استحکام پر مصر تشویش کا شکار ہے۔ مصری جنرل انٹلیجنس سروس کے نائب سربراہ ایمن بدیع کی قیادت میں مصری سفارت کاروں اور انٹلیجنس اہلکاروں کے ایک اعلیٰ سطحی وفد نے اتوار کے روز لیبیا کے دارالحکومت طرابلس کا دورہ کیا اور اس شمالی افریقی ملک کی بین الاقوامی تسلیم شدہ حکومت (جی این اے) کے وزیر داخلہ فتحی علی عبدالسلام باشاغآ اور ملکی انٹلیجنس کے سربراہ عماد طرابلوسی سمیت متعدد عہدیداروں کے ساتھ تبادلہ خیال کیا۔

باشآغا نے گزشتہ ماہ قاہرہ کا دورہ کیا تھا۔ انہوں نے ٹوئٹر پر ایک بیان میں کہا کہ مصری عہدیداروں کے ساتھ ملاقات 'کافی سود مند اور تعمیری‘ رہی اور قاہرہ حکومت کے ساتھ تعلقات'انتہائی اہمیت‘ کے حامل ہیں۔

اپنے بیان میں باشآغا نے کہا، ”مصری سکیورٹی وفد کے ساتھ آج طرابلس میں سود مند اور تعمیری ملاقاتیں ہوئیں، جن میں ہم نے سکیورٹی اور انٹلیجنس کے شعبوں میں باہمی تعاون کو فروغ دینے کے ایسے طریقہ کار پر تبادلہ خیال کیا، جو دونوں ملکوں اور خطے کے مفاد ميں ہيں اور انہيں دہشت گردوں اور منظم جرائم کے خطرات سے محفو ظ رکھيں۔"

چھ برس بعد مصری حکام کا دورہ ليبيا

سن 2014 کے بعد سے کسی اعلیٰ سطحی مصری وفد کا یہ طرابلس کا یہ پہلا دورہ ہے۔ لیبیا ميں حکومت اور خلفیہ حفتر کی قیادت میں مشرقی لیبیا میں واقع لییبئن نیشنل آرمی (ایل این اے) کے مابین تصادم کی وجہ سے لیبیا میں جاری خانہ جنگی کا سلسلہ جاری ہے۔

ترکی اور قطر جی این اے کی حمایت کرنے والے اہم ممالک ہیں جب کہ باغی جنرل خلیفہ حفتر کی ایل این اے کو روس، متحدہ عرب امارات اور مصر کا تعاون حاصل ہے۔ لیبیا میں سن 2011 سے ہی حالات کشیدہ ہیں۔

وزارت داخلہ کے مطابق عہدیداروں نے 'باہمی سکیورٹی چیلنجز اور سکیورٹی تعاون میں اضافہ کرنے کے طریقہ کار‘ پر تبادلہ خیال کیا۔ انہوں نے لیبیا میں متحارب گروپوں کے درمیان اکتوبر میں اقو ام متحدہ کی ثالثی میں ہونے والی جنگ بندی کی حمایت کرنے کے طریقہ کار پر بھی غور و خوض کیا۔ جی این اے کی وزارت خارجہ کے ترجمان محمد الجبلاوی نے ٹوئٹر پر بتایا کہ مصری وفد نے طرابلس میں مصری سفارت خانہ جلد از جلد کھولنے کے امکانات پر بھی تبادلہ خیال کیا۔

الجبلاوی نے مزید بتایا کہ فریقین نے قاہر ہ کے لیے لیبيائی پروازوں کو بحال کرنے کے حوالے سے اقدامات کرنے پر بھی رضامندی ظاہر کی۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...