بھٹکل:31؍جنوری(ایس اؤ نیوز) پُرورگا میں واقع کتور رانی چنما اقامتی اسکول میں تعلقہ صحت عامہ محکمہ کی جانب سےجذام مرض بیداری پروگرام کا انعقاد ہوا۔
تعلقہ پنچایت ممبر ہنومنت نائک نے پروگرام کا افتتاح کرنے کے بعد کوڑھ جیسی متعدی بیماریوں کی روک تھام میں طلبا کا اہم رول ہونے کی بات کہی۔ بھٹکل تحصیلدار وی پی کوٹرولی نے طلبا سے خطاب کرتےہوئے کہاکہ موجود ہ دور میں طبی میدان میں کافی ترقی ہوئی ہے، جذام جیسی جان لیوا بیماریوں کا بھی سرکاری اسپتال میں مفت علاج کیا جاتاہے، کوئی اس تعلق سے خوف کھانے کی ضرورت نہیں ہے۔ ضلع انسداد بیماری افسر کیاپٹن ڈاکٹر رمیش راؤ نے متعدی بیماریوں کے متعلق جانکاری دی۔ تعلقہ میڈیکل آفیسر ڈاکٹر مورتی راج بھٹ نے پروجکٹر کے ذریعے جذام بیماری پھیلنے کی وجوہات اور اس کے روک تھام پر روشنی ڈالی۔
سنئیر صحت عامہ افسر ایریا دیواڑیگا نے افتتاحی کلمات پیش کئے۔ اس موقع پر طلبا اور عوام کو جذام بیماری روک تھام کے متعلق حلف دلوایاگیا۔ تعلقہ پنچایت ممبر وشنو دیواڑیگانے پروگرام کی صدارت کی۔ نشانائک اور ساتھیوں نے پرارتھنا کی تو اقامتی اسکول کے پرنسپال رمیش کے نائک نے استقبال کیا۔ استاد وجئے موگیر نے شکریہ اداکیا۔