کرونا وائرس کی وجہ سے پوری دنیا میں 37,781 ہلاکتیں، 784,440 متاثرین

Source: S.O. News Service | Published on 31st March 2020, 5:06 PM | عالمی خبریں |

واشنگٹن،31؍مارچ (ایس او نیوز؍یو این آئی) پوری دنیا کے زیادہ تر (اب تک 185) ممالک میں کرونا وائرس (کووڈ۔19) کی وبا تھمنے کا نام نہیں لے رہی ہے اور اس کے متاثرین سے پوری دنیا میں اب تک 37,781 لوگوں کی موت ہوچکی ہے جبکہ تقریبا 784,440 لوگ اس سے متاثر ہیں۔

ہندوستان میں بھی کرونا وائرس کی وبا پھیلتی جارہی ہے اور متاثروں کی تعداد بڑھ کر 1251 ہوگئی ہے اور مرنے والوں کی تعداد بڑھ کر 32 ہوگئی ہے۔

دنیا کے سب سے طاقت ور ملک امریکہ میں یہ بیماری سنگین روپ لے چکی ہے۔ یہاں کرونا وائرس سے اب تک 3148 لوگوں کی موت ہوچکی ہیں جبکہ سب سے زیادہ 163,490 لوگ اس سے متاثر ہوچکے ہیں۔ کرونا وائرس سے بری طرح متاثر اٹلی میں اس کے متاثروں سے سب سے زیادہ موتیں ہوئی ہیں جہاں مرنے والوں کی تعداد بڑھ کر 11,591 ہوگئی ہے جبکہ 101,739 لوگ اس سے متاثر ہیں۔

اس عالمی وبا کے مرکز چین میں اب تک 81,470 لوگوں کو کرونا وائرس سے متاثر ہونے کی تصدیق ہوئی ہے اور 3304 لوگوں کی اس وائرس کی زد میں آنےسے موت ہوچکی ہے۔ اس وائرس کے سلسلے میں تیار کی گئی ایک رپورٹ کے مطابق چین میں ہوئی موت کے 80 فیصد معاملے ساٹھ برس سے زیادہ عمر کے لوگوں کے تھے۔

گزشتہ چوبیس گھنٹوں کے دوران کرونا وائرس کے سلسلے میں سب سے زیادہ سنگین صورت حال اٹلی اور اسپین سے سامنے آئی ہے۔ اسپین میں اس سے مرنے والوں کی تعداد بڑھ کر 7716 ہوگئی ہے۔ تازہ اعدادوشمار کے مطابق اسپین میں کرونا سے متاثر لوگوں کی تعداد بڑھ کر 87,959ہوگئی ہے۔ اس کے علاوہ فرانس اور ایران میں بھی صورت حال سنگین ہے۔ فرانس میں اب تک 44,550 لوگ اس سے متاثر ہیں جبکہ3024لوگوں کی موت ہوچکی ہے۔

ایران میں اس وائرس کی زد میں آکر مرنے والوں کی تعداد بڑھ کر 2757 ہوچکی ہے جبکہ 41495 لوگ اس وائرس سے متاثر ہوئے ہیں۔

کرونا وائرس کی زد میں برطانیہ بھی ہے جہاں اب تک 22,141لوگ متاثر ہیں اور 1408لوگوں کی موت ہوچکی ہے۔ برطانیہ کے پرنس چارلس اوروزیراعظم بورس جانسن سمیت دنیا کے کئی دیگر شخصیات بھی کرونا سے متاثر پائے گئے ہیں۔ اس کے علاوہ نیدرلینڈ میں 771، بلجیم میں 513 اور سوئٹزرلینڈ میں257 لوگوں کی موت ہوچکی ہے۔

ڈبلیو ایچ او کی رپورٹ کے مطابق کرونا وائرس سے اب تک مغربی بحر الکاہل میں 3626، یورپی علاقے میں 21493 ، جنوب۔مشرقی ایشیائی علاقے میں 21493 ، امریکہ کے نزدیک واقع علاقوں میں 1973 اور افریقی علاقے میں 51 لوگوں کی موت ہوچکی ہے۔

ایک نظر اس پر بھی

کورونا: جرمنی کو پیچھے چھوڑ ساتویں مقام پر پہنچا ہندوستان، 24 گھنٹے میں 230 اموات

  ملک میں كورونا وائرس کے نئے کیسز میں دن بہ دن ہو رہے اضافہ سے متاثرین کی کل تعداد 1.90 لاکھ سے تجاوز کر گئی ہے اور ہندوستان سب سے زیادہ متاثر ممالک کی فہرست میں فرانس اور جرمنی کو پیچھے چھوڑ کر ساتویں مقام پر پہنچ گیا ہے۔

امریکہ: سیاہ فام جارج فلائڈ کی موت سے حالات کشیدہ، کئی شہروں میں کرفیو نافذ

امریکہ میں ایک سیاہ فام شہری جارج فلائڈ کی پولیس حراست میں موت کے بعد مظاہروں کے دوران ہوئے پُر تشدد جھڑپ کے پیش نظر مقامی انتظامیہ نے لاس اینجلس ،فیلاڈلفیا اور ایٹلانٹا میں کرفیو نافذ کردیا ہے۔

افغانستان میں طالبان کے حملہ میں 14 افغان فوجی ہلاک،متعدد زخمی

مشرقی افغانستان میں طالبان کے حملے میں 14 افغان فوجی ہلاک ہو گئے جبکہ افغان حکام کا کہنا ہے کہ وہ اب بھی سیز فائر کے سلسلے میں طالبان سے بات چیت کر رہے ہیں۔ طالبان نے پکتیا صوبے میں کیے گئے اس حملے کی ذمے داری قبول کر لی ہے اور اسے ایک دفاعی حملہ قرار دیا ہے البتہ انہوں نے اس کی ...