زبردست بارش؛ سکلیشپور میں چٹان کھسکنے سے کاروار۔بنگلور ٹرین سروس معطل؛ مینگلور کے قریب چارمڑی گھاٹ کا راستہ بھی بند؛ اسکولوں اور کالجوں میں پھر چھٹی

Source: S.O. News Service | By I.G. Bhatkali | Published on 9th August 2019, 12:27 AM | ساحلی خبریں | ریاستی خبریں |

بھٹکل 8/اگست (ایس او نیوز)  مغربی گھاٹ کے علاقوں میں بھاری بارش اور سکلیشپور اور سبرا منیا روڈ   پر چٹانیں کھسکنے کی وارداتوں کے بعد  مینگلور سے بنگلور کے درمیان ٹرین سروس بند کردی گئی ہے۔ ریلوے حکام کے مطابق کل 9 اور 10 اگست کو بھی  ٹرین سروس بند رہے گی۔ حکام کے مطابق سکلیشپور اور سبرایا منیا میں چٹانیں کھسکنے کی وجہ سے کاروار۔بنگلورکے یشونت پور جانے والی ٹرین سروس بھی روک دی گئی ہے۔ اسی طرح واپس آنے والی ٹرین سروس بھی معطل ہے۔

اُدھرمینگلور کے قریب  چارمڑی گھاٹ پر بھی چٹانیں کھسکنے  کی وارداتوں نے ضلع جنوبی کینرا کے ڈپٹی کمشنر سسی کانت سینتھل کو چارمڑی گھاٹ پر سواریوں کی نقل وحمل کو روکنے پر مجبور کردیاہے۔ خیال رہے کہ چارمڑی گھاٹ  ساحلی اضلاع کو ریاست کرناٹک کے دیگر حصوں سے جوڑتا ہے۔ اسی گھاٹ پر نیشنل ہائی وے  73 گذرتا ہے جو مینگلور کو چکمنگلور سمیت دیگر شہروں سے جوڑتا ہے۔

ویسے تو بارش کا زور پہلے کے مقابلے  کافی کم پڑچکا ہے لیکن زوردار بارش وقفے وقفے سے جاری ہے، البتہ  گھاٹ کے علاقوں میں ہورہی زبردست بارش کا راست اثر ساحلی اضلاع میں پڑ رہا ہے جہاں کا پانی بہتا ہوا سیدھے ضلع جنوبی کینرا، اُڈپی اور  شمالی کینرا کے علاقوں میں پہنچتا ہے جس کے نتیجے میں ان اضلاع کی ندیوں میں  طغیانی آگئی ہے اور ندیاں بھرنے کی وجہ سے پانی  باہر راستوں پر بھی بہہ رہاہے۔ بارش کی وجہ سے کئی جگہوں پر راستے، بریج اور مکانات کو شدید نقصان پہنچا ہے۔ ضلع شمالی کینرا میں  گذشتہ روز ہی  ایک شخص  کی چلتی بائک پر درخت گرنے سے موت واقع ہوگئی تھی،  اس کے علاوہ  ایک ہفتہ سے جاری بارش سے ساحلی اضلاع میں مزید کسی  جانی نقصان کی کوئی اطلاع نہیں ہے۔

 

اسکولوں اور کالجوں میں پھر چھٹی:  ساحلی علاقوں میں بارش سے ہوئے نقصانات کو دیکھتے ہوئے  اور طلبا کو اسکولوں اور کالجوں تک پہنچنے میں ہورہی دشواریوں کو دیکھتےہوئے ضلع جنوبی کینرا، ضلع اُڈپی اور ضلع شمالی کینرا ، تینوں ڈپٹی کمشنروں نے اپنے اپنے اضلاع میں  کل جمعہ کو بھی اسکولوں اور کالجوں میں چھٹی کا اعلان کیا ہے۔ اس کے ساتھ ہی  ایک ساتھ کل چوتھے روز تعلیمی اداروں میں چھٹی ڈکلیر کی گئی ہے۔

ایک نظر اس پر بھی

بھٹکل کے عبدالباقی صدیقہ کرناٹکا لاء یونیورسٹی بنگلورو کبڈی ٹیم کے لئے منتخب : یونیورسٹی بلیو کا خطاب

بنگلورو کی شیشا دری پورم لاء کالج میں ایل ایل بی کے  تیسرے سال میں  زیر تعلیم  بھٹکل کے عبدالباقی ابن عبدالقادر جیلانی  نے کبڈی میں بہترین کھیل کا مظاہرہ پیش کرتے ہوئے صدیقہ کرناٹکا اسٹیٹ لاء یونیورسٹی(کے ایس ایل یو)  کی کبڈی ٹیم(مین) کے لئے منتخب  ہوتے ہوئے یونیورسٹی بلیو کا ...

مینگلور میں بھی بھٹکلی طالب علم کا شاندار پرفارمینس؛ تیسری بارلگاتار یونیورسٹی بلیو کا خطاب

 مینگلور کی ایس ڈی ایم لاء کالج میں زیر تعلیم  بھٹکل کا فٹ بال کھلاڑی محمد رائف گنگاولی نے اپنی کالج کی نمائندگی کرتے ہوئے پھر ایک باربہترین پرفارمینس پیش کرکے یونیورسٹی بلیو کا خطاب جیتنے میں کامیاب ہوگیا ہے جس کے ساتھ ہی وہ اب کرناٹکا اسٹیٹ لاء یونیورسٹی ہبلی کی نمائندگی ...

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

مینگلور کے قریب اپن انگڈی میں بیف سے بھرا کنٹینر ضبط۔، ڈرائیورگرفتار

یہاں سے قریب 55 کلو میٹر دور اپن انگڈی میں مصدقہ اطلاع کی بنیاد پر گاڑیوں کی چیکنگ کے دوران پولس نے ایک بیف سے بھرا کنٹینر ضبط کرلیا اور رضوان نامی ڈرائیور کو گرفتار کرلیا جس کے تعلق سے پولس کا کہنا ہے کہ یہ گوشت غیرقانونی طور پر لے جایا جارہا تھا۔

  مسلم متحدہ محاذ، جماعت اسلامی ہند اور کئی تنظیموں کے ایک نمائندہ وفدکا سابق وزیر اعظم ایچ ڈی دیوے گوڈا سے ملاقات اور شہریت ترمیمی بل   کی مخالفت اور دستور کے تحفظ میں تعاون کرنے کی اپیل

مسلم متحدہ محاذ، جما عت اسلامی ہند، سدبھاؤ نا منچ بورڈ آف اسلامک ایجوکیشن کرناٹک، ایف ڈی سی اے، ایس آئی او، اے پی سی آر  اور مومنٹ فار جسٹس جیسے ہم خیال تنظیموں کی قیادت میں مسلم نمائندوں کا ایک وفد 7 / دسمبر 2019  ء  بروز سنیچر، سابق وزیر اعظم شری ایچ ڈی دیوے گوڈا سے ملاقات کرتے ...

ہوناورمیں پریش میستا کی مشتبہ موت کوگزرگئے2سال۔ سی بی آئی کی تحقیقات کے باوجود نہیں کھل رہا ہے راز۔ اشتعال انگیزی کرنے والے ہیگڈے اور کرندلاجے کے منھ پر کیوں پڑا ہے تالا؟

اب سے دو سال قبل 6دسمبر کو ہوناور میں دو فریقوں کے درمیان معمولی بات پر شرو ع ہونے والا جھگڑا باقاعدہ فرقہ وارانہ فساد کا روپ اختیار کرگیا تھا جس کے بعد پریش میستا نامی ایک نوجوان کی لاش شنی مندر کے قریب واقع تالاب سے برآمد ہوئی تھی۔     اس مشکوک موت کو فرقہ وارانہ رنگ دے کر پورے ...

کاروار:ہائی وے توسیع کے لئے سرکاری زمین تحویل میں لینے پرمعاوضہ کی ادا ئیگی۔ ملک میں قانون وضع کرنے کے لئے ضلع شمالی کینرا بنا ماڈل

نیشنل ہائی وے66 توسیعی منصوبے کے لئے سرکاری زمینات کو تحویل میں لینے کے بعد خیر سگالی کے طورمعاوضہ ادا کرنے کی پہل ضلع شمالی کینرا میں ہوئی جس کی بنیاد پر نیشنل ہائی وے ایکٹ 1956میں ترمیم کرتے ہوئے ملک بھر میں تحویل اراضی پرمعاوضہ ادائیگی کا نیا قانون2017میں وضع کیا گیا ہے۔