بھٹکل :زمین، جنگل اور پانی میں توازن سے سیلاب کو روک سکتےہیں :بی سیتا رام شٹی
بھٹکل:14؍اگست (ایس اؤ نیوز)مینڈک کی شادی کرانے سے ،طلاق دلانے سے جیسی توہمات و اندھی تقلیدوں کے ذریعے طغیانی ،سیلاب، طوفان کو روکنا ممکن نہیں ہے۔البتہ زمین ،جنگل اور پانی میں توازن قائم رکھتے ہیں تو ان سب کو روکنا ممکن ہونے کا بارکور نیشنل پی یوکالج کے موظف پرنسپال بی، سیتارام شٹی نے خیال ظاہر کیا۔
وہ یہاں مرڈیشور کے پالی ٹکنک کالج میں ’ پانی کی پاکیزگی ، صحت اور ایندھن کی تجدیدکاری ‘ نامی عنوان پر منعقدہ پروگرام میں لکچر دے رہے تھے۔ اُڈپی کے آرور منجوناتھ راؤ نے خطاب کرتے ہوئے کہاکہ مختلف طبی پودوں کو ہماری روزمرہ کی غذا میں استعمال کرتے ہوئے اپنی صحت کو تندرست رکھ سکتےہیں۔ بھارتیہ وکاس ٹرسٹ منی پال کے مینجر ورون پٹوردھن نے شمسی توانائی کے استعمال کے متعلق جانکاری دی ۔ ہوناور کے سنگم سیوا ٹرسٹ کے صدر رویند رشٹی نے افتتاحی کلمات پیش کئے۔ پرنسپال سنتوش آر اے ، نائب پرنسپال کے مری سوامی موجود تھے۔ ناگ شری رائیکر نے پرارتھنا کی ۔ الکٹریکل شعبہ کے سائی دت نے مہمانوں کا تعارف کراتے ہوئے استقبال کیا۔ لکچرر کرشنا بی ہیگڈے نے شکریہ اداکیا۔
