صدر جمہوریہ سے ملا کانگریس کا وفد، مرکزی وزیر مملکت کی برطرفی کا کیا مطالبہ

Source: S.O. News Service | Published on 13th October 2021, 11:50 PM | ملکی خبریں |

نئی دہلی،13؍اکتوبر(ایس او نیوز؍ایجنسی) لکھیم پور کھیری معاملہ پر کانگریس کے ایک اعلی سطحی وفد نے صدر جمہوریہ رام ناتھ کووند سے ملاقات کی۔ پانچ ارکان کے اس وفد میں کانگریس کے سابق صدر راہل گاندھی، جنرل سکریٹری پرینکا گاندھی، غلام نبی آزاد، ملیکارجن کھڑگے اور اے کے انٹونی شامل تھے۔ پرینکا گاندھی جو اس معاملہ کو لے کر بہت سنجیدہ ہیں، انہوں نے کہا کہ اس سارے معاملہ کی منصفانہ جانچ ہو۔

ذرائع کے مطابق صدر جمہوریہ نے وفد کو یقین دلایا کہ وہ آج ہی اس معاملہ پر حکومت سے بات کریں گے۔ پرینکا گاندھی نے بتایا کہ وفد نے مرکزی وزیر مملکت برائے داخلہ امور اجے مشرا ٹینی کی برطرفی کا مطالبہ کیا ہے۔ پرینکا گاندھی نے کہا کہ متاثرہ خاندان صرف انصاف چاہتے ہیں اور وہ موجودہ جج سے معاملہ کی جانچ کا مطالبہ کر رہے ہیں۔ پرینکا گاندھی نے کہا کہ وزیر مملکت کی برطرفی کا مطالبہ کانگریس کی مانگ نہیں ہے، ہمارے ساتھیوں کی مانگ نہیں ہے یہ عوام کی مانگ ہے اور متاثرہ کسان خاندانوں کی مانگ ہے۔

کانگریس کے سابق صدر راہل گاندھی نے کہا ہے کہ لکھیم پور کھیری کے متاثرہ خاندانوں کا مطالبہ ہے کہ جس نے بھی ان کے بیٹے کا قتل کیا ہے اسے سزا ملنی چاہئے اور یہ بھی کہا کہ جس شخص پر قتل کا الزام ہے اس کے والد ملک کے وزیر مملکت برائے داخلہ امور ہیں اور جب تک وہ عہدے پر فائز ہیں تب تک اس معاملہ میں متاثرین کو انصاف نہیں ملے گا۔

ایک نظر اس پر بھی

کانگریس نے پیگاسس کیس پرعدالت کے فیصلے کاخیرمقدم کیا

کانگریس نے بدھ کو سپریم کورٹ کے مبینہ پیگاسس جاسوسی کیس کی تحقیقات کے لیے تین رکنی کمیٹی قائم کرنے کے فیصلے کا خیرمقدم کرتے ہوئے کہاہے کہ’ستیہ میو جیتے۔‘‘پارٹی کے چیف ترجمان رندیپ سرجے والانے ٹویٹ کیاہے کہ بزدل فاشسٹوں کی آخری پناہ گاہ مبینہ قوم پرستی ہے۔

بی جے پی رکن اسمبلی کرشنا کلیانی بھی ترنمول کانگریس میں شامل

 بنگال بی جے پی کو دھکچے لگنے کا سلسلہ جاری ہے۔ اب رائے گنج سے بی جے پی کے ممبر اسمبلی کرشنا کلیانی جنہوں نے یکم اکتوبر کو بی جے پی چھوڑ دی تھی نے قیاس آرائیوں کے مطابق آج پارٹی کے سکریٹری جنرل پارتھو چٹرجی کی موجودگی میں ترنمول کانگریس میں شامل ہوگئے۔

ہندوتوا وادی مظاہرین کے ہاتھوں تریپورہ کی 16 مساجد میں توڑ پھوڑ، 3 مساجد نذر آتش

شمال مشرقی ریاست تریپورہ میں حالات دن بدن شدت اختیار کرتے جا رہے ہیں۔ بنگلہ دیش میں ہندوؤں کے خلاف ہوئے تشدد کی مذمت میں کئی دنوں سے ریاست بھر میں مظاہرے اور ریلیاں جاری تھیں، لیکن یہ ریلیاں شدت اختیار کر گئیں اور ریاست کے مسلمانوں کے خلاف متشدد ہوگئیں۔

وزیراعلی ملازمتیں فراہم کریں یا مستعفی ہوجائیں: وائی ایس شرمیلا

 وائی ایس آر تلنگانہ پارٹی کی سربراہ وائی ایس شرمیلا نے کہا ہے کہ ہر گھر کو ایک ملازمت یا نہیں تو بے روزگاری کا الاونس فراہم کرنے ولے وزیراعلی کے چندرشیکھرراو کے وعدہ پر یقین کرتے ہوئے عوام نے ان کو اقتدار حوالے کیا، تاہم موجودہ صورتحال یہ ہوگئی ہے کہ ریاست میں بے روزگاری میں ...

پیگاسس معاملہ پر مرکز کو سپریم کورٹ سے جھٹکا! تفتیشی کمیٹی کا قیام

پیگاسس معاملہ میں سپریم کورٹ نے مرکزی حکومت کو جھٹکا دیتے ہوئے کہا کہ پیگاسس معاملہ کی جانچ ہوگی، عدالت نے جانچ کے لئے ماہرین کی ایک کمیٹی بھی تشکیل دے دی ہے۔ عدالت عظمیٰ نے کہا کہ اس معاملہ میں مرکز کا رخ واضح نہیں اور رازداری کی خلاف ورزی کی تحقیقات ہونی چاہئے۔