مینگلور 7؍اکتوبر (ایس او نیوز) قریبی تعلقہ بنٹوال  کے سداکٹّے میں  پیش آئے  المناک حادثے میں ایک گھر کا تعمیراتی کام انجام دے رہا مزدور اس وقت  ہلاک ہوگیا جب اس کے سر پر اوپر سے پتھر آگرا جس کی وجہ سے اس کی کھوپٹری پھوٹ گئی اور اس نے موقع پر ہی دم توڑ دیا۔

 مہلوک مزدور کی شناخت  راما نندا گوڈا (۳۰) کی حیثیت سے کی گئی  ہے جو منچاکال کا رہنے والا تھا  جس وقت رامانندا گوڈاکے سر پر پتھر گرا اس وقت زیر تعمیر مکان میں اس کے ساتھ تین اور مزدور کام کررہے تھے۔

بنٹوال دیہی پولیس اسٹیشن کے سب انسپکٹر پرسنّا اور دیگر عملے نے جائے واردات پر پہنچ کر معائنہ کیا اور کیس درج کرلیا۔