کنداپور،20؍ مئی (ایس او نیوز) آیوش ڈاکٹروں کو بدنام کرنے کے الزام میں پولیس نے نیوز ویبسائٹ چلانے والے کرن پجاری نامی جرنلسٹ کو گرفتار کر لیا ہے۔ 
    
ذرائع سے ملی اطلاع کے مطابق بیندور اور کنداپور کے پولیس اسٹیشنوں میں آیوش - Ayush     (آیورویدک، یونانی، سدھا، ہومیوپیتھی سسٹم والے) ڈاکٹروں نے شکایت درج کروائی تھی کہ کرن پجاری ان ڈاکٹروں کے دواخانوں پر آتا ہے ، وہاں پر موجود مریضوں کے ساتھ ویڈیو گرافی کرتا ہے اور ان میں سے کچھ  ڈاکٹروں پر نقلی اور جھولا چھاپ quacks ہونے کا الزام لگا کر انہیں بدنام کرتا ہے۔ 
    
آیوش کنسلٹنٹ ڈاکٹر چندرشیکھر شیٹی، ڈاکٹر راجیش اور ڈاکٹر رویندرا نے اپنی شکایت میں کہا تھا کہ کرن پجاری اپنی ذاتی رنجش نکالنے کے لئے انہیں بدنام کرتا ہے اور ان کی میڈیکل پریکٹس میں روڑے اٹکانے کا کام کرتا ہے۔ 
    
پولیس نے گرفتاری کے بعد کرن کو عدالت میں پیش کیا جہاں سے اس کو عدالتی حراست میں بھیج دیا گیا ہے۔