کنداپور: پولیس نے ضبط کی غیر قانونی طور پر رفت کی جارہی 37بھینسیں۔ 2 ملزمین گرفتار
کنداپور،19؍اگست (ایس او نیوز) اماسیبیل پولیس سب انسپکٹرانیل کمار کے مطابق جب ہولیکل گھاٹ پران کی ٹیم نے ایک ٹرک کو روک کر تلاشی لی تو اس کے اندر 37بھینسیں تھیں جو غیرقانونی طور پر قصائی خانے میں ذبح کرنے کے لئے لے جائی جارہی تھیں۔
پولیس نے مویشیوں کی غیر قانونی رفت کے الزام میں ٹرک میں موجود 2افراد کو گرفتار کرلیا اور بھینسوں سمیت ٹرک ضبط کرلیا۔گرفتار کیے گئے ملزمین کی شناخت میرٹھ یوپی کے رہنے والے فخر عالم (24سال) اور کملاپور یوپی کے رہنے والے شکیل (35سال) کے طور پر کی گئی ہے۔پولیس نے کیس داخل کرنے کے بعد معاملے کی تحقیقات شروع کردی ہے۔
