گنگولی میں ماں اور بیٹا ندی میں ڈوبنے سے ہوئے ہلاک
گنگولی11/ ستمبر (ایس او نیوز)گنگولی کے چونگی گڈے میں چہل قدمی کے لئے جانے والی ماں اور اس کا بیٹا ندی میں گرکر ہلاک ہوگئے ۔
موصولہ رپورٹ کے مطابق مہلوک ماں کا نام روزی ریا اور بیٹے کا نام شان (11 سال) ہے ۔ بتایا جاتا ہے کہ روزانہ کے معمول کے مطابق ماں اور بیٹا گھر کے قریب واقع ندی کے کنارے صبح میں چہل قدمی کے لئے نکلے تھے ۔ اس دوران بیٹا حادثاتی طور پر ندی میں گرگیا ۔ بیٹے کو بچانے کے لئے ماں نے بھی پانی میں چھلانگ لگا دی ۔ اس طرح دونوں ندی میں ڈوب کر لاپتہ ہوگئے ۔
حادثہ کی اطلاع ملنے پر گنگولی پولیس اور فائر بریگیڈ کے عملہ نے موقع پر پہنچ کر تلاشی مہم چلائی جس کے بعد ماں اور بیٹے کی لاشیں سے ندی سے نکالی گئیں ۔ گنگولی پولیس اسٹیشن میں کیس درج کرکے تحقیقات کی جارہی ہے۔