کنداپور : مکینوں کو مہنگا پڑا مندروں کی یاترا پر جانا - لٹیروں نے بنایا گھر کو نشانہ

Source: S.O. News Service | Published on 7th August 2022, 10:54 PM | ساحلی خبریں |

کنداپور،7 / اگست (ایس او نیوز) کمباشی گاوں کے ونائیکا نگر سے ملی رپورٹ کے مطابق وہاں کے ایک گھر کو لٹیروں نے اس وقت نشانہ بنایا جب اس کے مکین پنڈر پور اور شیرڈی مندروں کی زیارت کے لئے یاترا پر نکلے ہوئے تھے۔ 
    
بتایا جاتا ہے کہ مکان مالک منجو ناتھ جوگی اور اس کی فیمیلی 29 جولائی سے 5 اگست تک یاترا پر گئے ہوئے تھے ۔ واپس لوٹنے پر انہوں نے دیکھا کہ ان کے گھر کا پچھلا دروازہ ٹوٹا ہوا ہے اور الماریوں کا سامان تتر بتر پڑا ہے ۔ جائزہ لینے پر معلوم ہوا کہ لٹیروں نے الماری سے 1.20 لاکھ روپے مالیت کے سونے کے زیورات اڑائے ہیں جن میں بریسلیٹ اور انگوٹھیاں شامل ہیں ۔ اس کے علاوہ نقد 13,500 روپے بھی چرائے گئے ہیں۔ 
    
اس ضمن میں کنداپور پولیس اسٹیشن میں کیس درج کیا گیا ہے ۔ مزید تحقیقات جاری ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...