کنداپور:قتل کے ملزم جوڑے نے کی تنہا خاتون کو لوٹنے کی ناکام کوشش۔ عوام نے پیٹنے کے بعد کیا پولیس کے حوالے

Source: S.O. News Service | Published on 7th September 2019, 7:16 PM | ساحلی خبریں |

کنداپور7/ستمبر (ایس او نیوز) گزشتہ سال ستمبر میں اپنے شوہر کو منگلورو سے تملناڈو لے جانے اور راستے ہی میں اپنے عاشق کے ساتھ مل کر شوہرکوقتل کردینے کے الزام جیل بند رہنے کے بعد ضمانت پر رہا ہونے والی فردوس اور اس کے عاشق آصف کو ڈکیتی کی کوشش کرتے ہوئے گرفتار کرلیا گیا ہے۔

یاد رہے کہ کاپ کی رہنے والی فردوس اورکارکلا کے رہنے والے آصف نے منگلورو گنجی مٹھ کے رہنے والے سمیر کا بڑے سنسنی خیز اور وحشیانہ انداز میں قتل کیا تھا۔ دونوں کئی دنوں کی روپوشی کے بعد گرفتار ہوئے تھے اور جیل میں بند تھے۔گزشتہ ماہ ان دونوں کو ضمانت پر رہائی ملی تھی۔

 بتایاجاتا ہے کہ جمعہ کے دن جب گھر کے تمام مرد نماز کے لئے مسجد گئے ہوئے تھے،کنداپور فیّری روڈ پر واقع ابو محمد صاحب کے گھر پر ان کی بیوی مہر بانو تنہاتھیں۔ اس وقت فردوس اور آصف نے ان کے گھر پر دستک دی اور بتایا کہ وہ لوگ ان کی بہو کے دور کے رشتے دار ہیں اور شادی کا دعوت نامہ دینے کے لئے آئے ہیں۔ جب مہربانو انہیں اندر بلالیا تو گھر کسی اور کو موجود نہ پاکر ان دونوں ملزمین نے اس کے گلے سے سونے کا ہار چھیننے کی کوشش کی۔ اس پر مہربانو نے چیخ و پکار مچائی تومحلے سے گزرنے والے لوگ مدد کے لئے دوڑ پڑے اور ان دونوں ملزمین کو دبوچ لیا۔ پوچھ تاچھ اور مارپیٹ کے بعد معلوم ہوا کہ یہ دونوں سمیر کے قتل میں ملوث ملزمین ہیں تو پولیس کو اطلاع کی گئی۔ کنداپور پولیس اسٹیشن کے افسران نے موقع پر پہنچ کر دونوں کو اپنی تحویل میں لے لیا۔ضلع ایس پی نیش جیمز،اور اے ایس پی ہری رام شنکرنے بھی ابو محمد صاحب کے گھر پہنچ کر معائنہ کیا اور معاملے کے تعلق سے تمام تفصیلات حاصل کیں۔

ایک نظر اس پر بھی

منگلورو: شہریت ترمیمی قانون مخالف احتجاج کے دوران ہوئے لاٹھی چارج اور فائرنگ معاملے میں ایف آئی آر درج ہونا چاہیے؛ ہائی کورٹ کا تیکھاتبصرہ

منگلورو میں شہریت ترمیمی قانون کے خلاف19دسمبر2019 کو ہوئے پرتشدد احتجاج کے دوران پولیس کی طرف سے کیے گئے لاٹھی چارج اور فائرنگ کے سلسلے میں کرناٹکا ہائی کورٹ کی ڈیویزن بنیچ کے رکن جسٹس جان مائیکل نے تبصرہ کرتے ہوئے کہا کہ پولیس کوا س معاملے میں ایف آئی درج کرنا چاہیے۔

بھٹکل سرکاری ڈاکٹر پر لڑکے کے ہاتھ کی ہڈی توڑنے کا الزام ؛ والدہ نے سونپی شکایت

ہاتھ میں درد اور سوجن کی شکایت لے کر علاج کے لئے سرکاری اسپتال پہنچنے والے  لڑکے کے ہاتھ کی ہڈی ٹوٹنے کی بات سامنے آنے کے بعد لڑکے کی ماں نے سرکاری ڈاکٹر پر الزام لگایا ہے کہ اُس نے لڑکے کا ہاتھ موڑ کراُس کی  ہڈی توڑی ہے۔ لڑکے کی ماں نے اس واقعے کے بعد بھٹکل سرکاری اسپتال کی ...

مینگلور: بس میں سفر کے دوران خاتون مسافر کے ساتھ جنسی زیادتی کرنے والا کنڈکٹر گرفتار؛ پتور بس ڈپو سے ہے کنڈکٹر کا تعلق

خاتون مسافر کے ساتھ جنسی زیادتی کرنے کے الزام میں ایک کے ایس آر ٹی سی بس کنڈکٹر کو  گرفتار کرلیا گیا ہے اور عدالت میں پیش کرتے ہوئے اُسے  جوڈیشیل کسٹڈی میں بھیج دیا گیا ہے۔ گرفتار شدہ کنڈکٹر کی شناخت پتور بس ڈپو سے منسلک ایسوبو علی کی حیثیت سے کی گئی ہے۔

بیلتنگڈی: آٹو رکشا کھیت میں گرنے سے 2خواتین کی موت۔ حاملہ عورت معجزاتی طور پر محفوظ

بیلتنگڈی تعلقہ کے انڈابیٹو نامی گاؤں میں ایک آٹو رکشا اُلٹ کر 25 فٹ گہرے کھیت میں جاگرنے سے رکشہ پر سوار دو خواتین جاں بحق ہوگئیں، البتہ رکشہ پر سوار ایک حاملہ خاتون معجزاتی طور پر محفوظ رہ گئی۔ حادثہ پیر کی شام کو پیش آیا۔